Manava Dharmashastra 1.7
Manvarthamuktāvalī 1.7
- Language
- Sanskrit
1.7
yo'sāviti sarvanāmadvayena sakalalokavedapurāṇetihāsādiprasiddhaṃ paramātmānaṃ nirdiśati| atīndriyagrāhyaḥ indriyamatītya vartata ityatīndriyaṃ manastadgrāhya ityarthaḥ| yadāha vyāsaḥ- ‘‘naivāsau cakṣuṣā grāhyo na ca śiṣṭairapīndriyaiḥ| manasā tu prayatnena gṛhyate sūkṣmadarśibhiḥ||’’ sūkṣmo bahirindriyāgocaraḥ| avyakto vyaktiravayavastadrahitaḥ| sanātanò nityaḥ| sarvabhūtamayaḥ sarvabhūtātmā| ataevācintyaḥ iyattayā paricchettumaśakyaḥ| sa eva svayaṃ udbabhau mahadādikāryarūpatayā prādurbabhūva| utpūrvo bhātiḥ prādurbhāve vartate| dhātūnāmanekārthatvāt|