Abdadidhiti 3.p42

3.p42

saptaśatīpāṭhasya saṃkhyāviśeṣeṇa phalaviśeṣa ukto vārāhītantre—caṇḍīpāṭhaphalaṃ devi śṛṇuṣva gadato mama | ekāvṛttyādipāṭhānāṃ yathāvatkathayāmi te | saṃkalpapūrvaṃ saṃpūjya nyāsāṅgeṣu manūnsakṛt | pāṭhādvalipradānācca siddhimāpnoti mānavaḥ | upasargopaśāntyarthaṃ trirāvṛttaṃ paṭhennaraḥ | grahopaśāntau kartavyaṃ pañcāvṛttaṃ varānane | mahābhaye samutpanne saptāvṛttaṃ samuccayet | navāvṛttyā bhavecchāntirvājapeyaphalaṃ labhet | rājavaśyāya bhūtyai ca rudrāvṛttamudīrayet | arkairāvṛttaḥ kāmyāsiddhirvairahāniśca jāyate | manvāvṛttātpumānvaśyastathā strī vaśyatāmiyāt | saukhyaṃ pañcadaśāvṛttācchriyamrāmnoti mānavaḥ | kalāvṛttyā putrapautradhanadhānyāgamaṃ viduḥ | rājñāṃ bhītivimokṣāya vairasyoccāṭanāya ca | kuryātsaptadaśāvṛttaṃ tathāṣṭādaśakaṃ priye | mahāraṇyavimokṣāya viṃśāvṛttaṃ paṭhetsudhīḥ | pañcaviṃśāvartanāttu bhavedvandhavimokṣaṇam | saṃkaṭe samanuprāpte duścikitsyāmaye tathā | jātidhvaṃse kulocchede āyuṣo nāśa āgate | vairivṛddhau vyādhivṛddhau dhananāśe tathā kṣaye | tathaiva trividhotpāte tathā caivātipātake | kuryādyatnācchatāvṛttaṃ tataḥ saṃpadyate śubham | śreyovṛddhiḥ śatāvṛttyā rājyavṛddhistathā parā | manasā cintitaṃ devi siddhyedaṣṭottarācchatāt | śatāśvamedhayajñānāṃ phalamāmroti suvrate | sahasrāvartanāllakṣmīrāvṛṇoti svayaṃ sthirā | bhuktvā manogatānkāmānnaro mokṣamavāpnuyāt | yathāśvamedhaḥ kratūnāṃ devānāma ca yathā hariḥ | stavānāmapi sarveṣāṃ tathā saptaśatīstavaḥ | athavā bahunoktena kimetena varānane | caṇḍyāḥ śatāvṛttipāṭhātsarvāḥ sidhyanti siddhayaḥ