Smritikaustubha 9.p1.14
Smṛtikaustubha 9.p1.14
- Language
- Sanskrit
9.p1.14
śastreṣu saṃgrāme bhṛśadāruṇe | sarvabādhāsu cogrāsu vedanābhyardito'pi vā | smaranmamaitaccaritaṃ naro mucyeta saṃkaṭāt | iti
saptaśatīpāṭhasya saṃkhyāviśeṣeṇa phalaviśeṣa ukto vārāhītantre-caṇḍīpāṭhaphalaṃ devi śṛṇuṣva gadato mama | ekāvṛttyādipāṭhānāṃ yathāvatkathayāmi te | saṃkalpapūrvaṃ saṃpūjya nyasyāṅgeṣu
manūnsakṛt | pāṭhādvalipradānācca siddhimāpnoti mānavaḥ | upasargopaśāntyarthaṃ trirāvṛttaṃ paṭhennaraḥ | grahopaśāntau kartavyaṃ pañcāvṛttaṃ varānane | mahābhaye samutpanne saptāvṛttaṃ samunnayet | navāvṛttyā bhavecchāntirvājapeyaphalaṃ labhet | rājavaśyyāya bhūtyai ca
rudrāvṛttamudīrayet | arkāvṛtteḥ kāmyasiddhivairahāniśca jāyate
manvāvṛttātpumānvaśyastathā strī vaśyatāmiyāt | saukhyaṃ pañcadaśāvṛttācchriyamāpnoti mānavaḥ | kalāvṛttyā putrapautradhanadhānyāgamaṃ viduḥ | rājñāṃ bhītivimokṣāya vairasyoccāṭanāya ca | kuryātsaptadaśāvṛttaṃ tathāṣṭādaśakaṃ priye | mahāraṇyavimokṣāya viṃśāvṛttaṃ paṭhetsudhīḥ | pañcaviṃśāvartanāttu bhavedbandhavimokṣaṇam
saṃkaṭe samanuprāpte duścikitsyāmaye tathā | jātidhvaṃse kulocchede āyuṣo nāśa āgate | vairivṛddhau vyādhivṛddhau dhananāśe
tathā kṣaye | tathaiva trividhotpāte tathā caivātipātake | kuryādyatnācchatāvṛttaṃ tataḥ saṃpadyate śubham | śreyovṛddhiḥ śatāvṛttyā
Linked texts (8)
- Vārāhītantra — Sanskrit
- Durgārcanasṛti — Sanskrit
- Devīmāhātmya — Sanskrit
- Bhagavantabhāskara — Nīlakaṇṭha Dīkṣita 1625, Sanskrit
- Saṃvatsaradīdhiti — Anantadeva 1650, Sanskrit
- Abdadīdhiti — Anantadeva 1645, Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit
- Kālamayūkha — Nīlakaṇṭha Dīkṣita, Sanskrit