Jayasimhakalpadruma 2.p10

2.p10

doṣo'pi tatkṣaṇādeva naśyati | dravyadātopavāsasya phalaṃ prāpnotyasaṃśayam | kartā na tadavāpnoti nātra kāryā vicāraṇā | ghṛṇayā vānyamuddiśya ekādaśyāmupoṣitaḥ | yamuddiśya kṛtaṃ viprāstasya pūrṇaṃ kṛtaṃ bhavet|'atra viśeṣamāha trikāṇḍamaṇḍanaḥ- 'kāmye pratinidhirnāsti nitye naimittike ca saḥ| kāmye'pyupakramādūrdhvaṃ kecitpratinidhiṃ viduḥ| na syātpratinidhirmantraḥ svāmidevāgnikarmasu| sa deśakālayornāsti nāraṇeragnireva sā| nāpi pratividhātavyaṃ niṣiddhaṃ vastu kutracit |' hiraṇyakeśisūtre'pi - 'na svāmitvasya bhāryāyāḥ putrasya deśasya kālasyāgnerdevatāyāḥ karmaṇaḥ śabdasya ca pratinidhiviṃdhīyate |' iti