Prataparka 2.p78

2.p78

hemādrau kātyāyanaḥ—“purodhāstu kṣatriyo vā dvayoḥ samamitīritam upavāsaphalantābhyāṃ samagraṃ samavāpyate ||” vāyupurāṇe--“upavāse hyaśaktastu āhitāgnirathāpi vā | putrādvā karayedādyād brāhmaṇādvā'pi karayet || athavā vipramukhyebhyo dānaṃ dadyātsvaśaktitaḥ | upavāsaphala tena samagraṃ samavāpyate || tatra bhojanadoṣo'pi tatkṣaṇādeva naśyati dravyadānopavāsasya phalaṃ prāpnotyasaṃśayam || karttā na tadavāpnoti nātra kāryā vicāraṇā | 1śṛṇuyāccānyamuddiśya ekādaśyāmupoṣitaḥ || yamuddiśya kṛtaṃ viprāstasya pūrṇaṃ kṛtaṃ bhavet |” atra viśeṣamāha trikāṇḍamaṇḍanaḥ- “kāmye pratinidhirnāsti nitye naimittike ca saḥ | kāmye'pyupakramādūrdhvaṃ kecitpratinidhiṃviduḥ ||” ayamarthaḥ--nityanaimittike tu pratinidhinā'pi2 tatkārayediti |3 “na syāt pratinidhirmantrasvāmidevāgnikarmasu | sa deśa kālayornāsti nāraṇeragnireva sā || nāpi pratinidhātavyaṃ niṣiddhaṃ vastu kutracit |” hiraṇyakeśisūtre'pi-na svāmitvasya bhāryāyāḥ putrasya deśasya kālasyāgne devatāyāḥ karmaṇaḥ śabdasya ca pratinidhirvidyata iti