Nirnayasindhu 65.2

65.2

” ityuktam || etacca--“ āvāhanaṃ bhavetkāryamarghyadānaṃ tathaiva ca '
iti hemādrau bhaviṣyadvirodhāccintyam || śākhāntaraviṣayaṃ vā'stu || vikiropyāme neti
hemādriḥ || śūdrasya tu tatraivoktam || 'agnaukaraṇamantraśca namaskāro vidhīyate |' agnaye
kavyavāhanāya namaḥ, somāya pitṛmate namaḥ, ityayaṃ mantraḥ
mātsye- “mantravarjyaṃ hi śūdrasya sarvameva vidhīyate | evaṃ śūdropi sāmānyaṃ vṛddhiṃśrāddhaṃ ca sarvadā || namaskāreṇa mantreṇa kuryādāmānnavadbudhaḥ ||” tacca pūrvāhne kāryam
"āmaśrāddhaṃ tu pūrvāhne ekoddiṣṭaṃ ca madhyataḥ | pārvaṇaṃ cāparāhne tu prātarvṛddhinimittakam" iti hārītokteḥ || etat dvijaviṣayam || śūdrakartṛkaṃ tvaparāhna eva
"madhyāhnātparato yastu kutupaḥ samudāhṛtaḥ | āmaśrāddhaṃ tu tatraiva pitṝṇāṃ dattamakṣayam"
iti sumantūkterityuparārke hemādrau coktam || tadabhāve hemaśrāddhamāha hemādrau marīciḥ"āmānnasyāpyabhāve tu śrāddhaṃ kurvīta buddhimān | dhānyāccaturguṇenaiva hiraṇyena
surociṣā ||”
dharmaḥ-‘āmaṃ tu dviguṇaṃ proktaṃ hema tadvaccaturguṇam ||' smṛtyarthasāre-'hiraṇyamaṣṭaguṇaṃ caturguṇaṃ samaṃ vā dadyāt ||" hemādrau bhaviṣye-“annābhāve dvijābhāve pravāse putrajanmani
hemaśrāddhaṃ saṃgrahe ca tathā strīśūdrayorapi ||” ṣaṭtriṃśanmate turyapāde-‘varjayitvākṣayehani' iti pāṭhaḥ || 'yasya bhāryā rajasvalā' iti vyāsapāṭhaḥ || putrotpattau tu
hemaniyamamāha saṃvartaḥ-“putrajanmani kurvīta śrāddhaṃ hemnaiva buddhimān | na pakvena na
cāmena kalyāṇānabhikāmayan ||”
bhaviṣye-“gṛhapākātsamuddhṛtya saktubhiḥ pāyasena vā | piṇḍadānaṃ prakurvīta hemaśrāddhe
kṛte sati || śūdrastu gṛhapākena tatpiṇḍānnirvapettathā | saktumūlaṃ phalaṃ tasya pāyasaṃ vā
bhavetsmṛtam