Shraddhamanjari (Bapubhatta Kelakara) 6.1.36

6.1.36

asmatputrasyāsmatkanyāyā asmatpitṛvyasyāsmanmātulasyāsmadbhāturityādi yathādhikāramullekhaṃ kṛtvā'mukaśrāddhaṃ kariṣya iti svayaṃ saṃkalpaṃ
kṛtvā kaṃcidbrāhmaṇamṛtvikatvena parikalpya taṃ brūyāt | mamā''jñayā tvamidamamukaśrāddhākhyaṃ karma kuru iti | kartā kariṣyāmītyuktvā sarvamapi
samantrakaṃ śrāddhavidhiṃ kuryāt | tatra viśeṣaḥ | anujñākartryā bharturamukaśarmaṇaḥ0tatpituramukaśarmaṇaḥ0tatpituramukaśarmaṇaḥ0 | anujñākartryāḥ piturityādi tattadvibhaktyūhena prayogaḥ | ṛtvikarmakāle tadyajñopavītitve'nujñātryā'pi yajñopavītitā kartavyā | tatprācīnāvītitve tayā prācīnāvītitā kartavyā | tarpaṇaṃ tu vidhavākartṛkameva | śrāddhakartṛniyamāstu ṛtvijo'nujñākartryāśca samānāḥ | athavā vidhavā svayameva vaidikamantravarjaṃ
sarvaṃ vidhiṃ kuryāt | mantrasādhyaṃ karmāpi tūṣṇīṃ kartavyameva | brāhmaṇadvārā
śrāddhaprayoge'pi mantrarahitaḥ prayoga iti bahavaḥ | kṣayāha ekoddiṣṭapakṣe
taddharmeṇa śrāddhaṃ kuryāt| kanyāyāḥ svapitṛśrāddhaprasaktāvapyevameva vidhiḥ
aputrasya vidhavā patnī nityatarpaṇamapi kuryāt
tarpaṇaṃ pratyahaṃ kāryaṃ bhartuḥ kuśatilodakaiḥ
tatpitustatpituścāpi nāmagotrādipūrvakam
iti skāndokteḥ | aputrā putravatpatnī putrakarma samācaret | iti
vacanāt | yadi vidhavā pūrtādau vṛddhiśrāddhaṃ karoti tadā svabhartṛprabhṛtitrayāṇāṃ svamātrāditisṛṇāṃ svapitrāditrayāṇāṃ svamātāmahāditrayāṇāṃ