Shraddhamanjari (Bapubhatta Kelakara) 6.1.37

6.1.37

sapatnīkānāṃ svayaṃ pratinidhidvārā vā kuryāt | iti vājapeyayājipaddhatau | vidhiritu pūrvoktaprakāreṇa | viprāḥ pañcaviṃśatirdaśa vā | pārvaṇādyajīvane dvāralopāttatpārvaṇalopa eva | iti vidhavākartṛkaśrāddham
athānupunītakartṛkaśrāddham | pitrordarśabdikadiśrāddhe putrāntarābhāve
kṛtacūr̤o'kṛtacūr̤o vā'nupanītaḥ putro'pi śrāddhaṃ kuryāt | tatra vidhiḥ
prayogaśca vidhavākartṛkaśrāddhoktavat | anujñākartuḥ piturityādiviśeṣo'kṛtacūr̤aścetsaṃkalpamātraṃ kṛtvā sarvaṃ brāhmaṇadvārā kārayet | atra
mantravarjaśrāddhaprayogo bahusaṃmataḥ | ityanupanītakartṛkaśrāddham
atha sakṛnmahā Palayaśrāddham | tacca bhādrapadakṛṣṇe pratipadādiniṣiddhadinarahite kāryam | tatra niṣiddhāni-pratipatṣaṣṭhīsaptamyekādaśītrayodaśīcaturdaśītithayaḥ | ravibhaumabhṛguvāsarāḥ | bharaṇīkṛttikārohiṇīmaghārevatīnakṣatrāṇi | svajanmabhaṃ tatpūrvottare ca nakṣatre iti sindhau
janmabhaṃ tato daśamamekonaviśaṃ ca nakṣatramiti candrikāyām | gaṇḍavyatīpātavaidhṛtiyogā iti | asyāpavādo hemādrauamāpāte bharaṇyāṃ ca dvādaśyāṃ pakṣamadhyake
tithiṃ vāraṃ ca nakṣatraṃ yogaṃ ca na vicārayet || iti
pakṣamadhyamaṣṭamī | pitṛmṛtāhe niṣiddhadine'pi sakṛnmahālayaḥ kāryaṃ
ityuktaṃ nirṇayasindhau | kātyāyano'piaśaktaḥ pakṣamadhye tu karotyekadine yadā
niṣiddhe'pi dine kuryātpiṇḍadānaṃ yathāvidhi || iti
tathā-yā tithiryasya māsasya mṛtāhe tu pravartate
sā tithiḥ pitṛpakṣe tu pūjanīyā prayatnataḥ
tithicchedo na kartavyo vinā'śaucaṃ yadṛcchayā
piṇḍaśrāddhaṃ ca kartavyaṃ vicchittiṃ naiva kārayet || iti