Shraddhamanjari (Bapubhatta Kelakara) 6.1.5

6.1.5

svāhā| iti mantrāvṛttyā yavānopya gandhapuṣpādi kṣiptvā'rghyapātrāṇi saṃpannānītyuktvā yavānādāya nāndīmuskhānpitṛnāvāhayiṣyāmītyuktvā''vāhayeti pratyukto mātṛpitāmahīprapitāmahīrnāndīmukhā āvāhayāmīti
dakṣiṇāṅgādikrameṇa pādajānvaṃsaśiraḥsu yavānavakiret | iti dvayoryugapadāvṛttyā''vāhanam | evamuttaratra | pitṛpitāmahaprapitāmahānnāndīmukhānāvāhayāmi | mātāmahamātuḥpitāmahamātuḥprapitāmahānsapatnīkānnāndīmukhānāvāhayāmi, ityāvāhya trīṇi trīṇyarghyapātrāṇi tattadbrāhmaṇayoragre nidhāya krameṇa dvābhyāṃ dvābhyāṃ viprābhyāṃ trīṇi trīṇi nivedayet
tatra mantrāḥ—nāndīmukhā mātaraḥ prīyantām | nāndīmukhāḥ pitāmahyaḥ
prīyantām | nāndīmukhāḥ prapitāmahyaḥ prīyantām | nāndīmukhāḥ pitaraḥ
prīyantām | nāndīmukhāḥ pitāmahāḥ prīyantām | nāndīmukhāḥ prapitāmahāḥ prīyantām | nāndīmukhāḥ sapatnīkā mātāmahāḥ prīyantām
nāndīmukhāḥ sapatnīkā mātuḥpitāmahāḥ prīyantām | nāndīmukhāḥ sapatnīkā mātuḥprapitāmahāḥ prīyantām | tato mātṛvargaviprahastayorapo dattvā
prathamaviprahaste prathamārghyapātrasthaṃ pavitraṃ nidhāya prathamapātrādarghyamarghyamādāya devatīrthena nāndīmukhā mātara idaṃ vo'rghyamiti dattvā yā divyā
ityanumantrya tatpavitraṃ dvitīyabrāhmaṇahaste nidhāyāvaśiṣṭamarghyaṃ nāndīmukhā mātara idaṃ vo'rghyamiti saśeṣaṃ dattvā yā divyā ityanumantryobhayorapo dadyāt | evameva dvitīyapātrasthamarghyaṃ nāndīmukhāḥ pitāmahya idaṃ
vo'rghyamiti mantrāvṛttyā tābhyāmeva viprābhyāṃ vigṛhya dadyāt | tathaiva
tṛtīyaṃ nāndīmukhāḥ prapitāmahya idaṃ vo'rghyamiti mantrāvṛttyā tābhyāmeva