Atharvavedabrahmana 1.6

1.6

sa bhūyo'śrāmyad bhūyo'tapyad bhūya ātmānaṃ samatapat sa ātmataeva trīṃllokānniramimata pṛthivīmantarikṣandivamiti | sa khalu
pādābhyāmeva pṛthivīṃ niramimatodarādantarikṣam, mūrddhā divaṃ | sa
tāṃstrīṃllokānabhyaśrāmyadabhyatapantlamatapattebhyaḥ śrāntebhyastaptebhyaḥ santaptebhyastrīn devān niramimatāgniṃ vāyumādityamiti | sa khalu pṛthivyā evāgniṃ niramimatāntarikṣādvāyundiva ādityaṃ | sa tāṃstrīn
devānabhyaśrāmyadabhyatapat samatapattebhyaḥ śrāntebhyastaptebhyaḥ santaptebhyastrīn vedānniramimata ṛgvedaṃ yajurvvedaṃ sāmavedamiti, agne
ṛgvedaṃ, vāyoryyajurvvedamādityātsāmavedaṃ | sa tāṃstrīn vedānabhyaśrāmyadabhyatapat samatapat tebhyaḥ śrāntebhyastaptebhyaḥ santaptebhyaḥ stisro
mahāvyāhṛtīrniramimata bhūrbhuvaḥsvariti | bhūrityṛgvedāt, bhuva iti
yajurvvedāt, svariti sāmavedāt | sa ya icchetsarvvairetaistribhirvvedaiḥ kurvīyetyetābhireva taṃ mahāvyāhṛtibhiḥ kurvīta sarvairha vā asyaitaistribhirvedaiḥ kṛtaṃ bhavati ya evaṃ veda yaścaivaṃ vidvānevametābhirmahāvyāhṛtibhiḥ kurute