Atharvavedabrahmana 1.7

1.7

tā yā amū reta: samudraṃ hatvā'tiṣṭhaṃstāḥ prācyo dakṣiṇātyaḥ
pratīcya udīcyaḥ samavadravanta | tadyatsamavadravanta tasmātsamudra ucyate
tā bhītā abruvan bhagavantameva vayaṃ rājānaṃ vṛṇīmaha iti
yacca hatvā'tiṣṭhaṃstadvaruṇo'bhavat(1) taṃ vā etaṃ varaṇaṃ santaṃ varuṇa ityācakṣate | parokṣeṇa parokṣapriyā iva hi devā bhavanti pratyakṣadviṣaḥ
sa samudrādamucyata sa mutyurabhavatt' vā etaṃ mutyuṃ santaṃ mṛtyu rityācakṣate | parokṣeṇa parokṣapriyā iva hi devā bhavanti pratyakṣadviṣaḥ
taṃ varuṇaṃ mṛtyumabhyaśrāmyadabhyatapattamatapattasya śrāntasya taptasya
santaptasya sarvebhyo'ṅgebhyo raso'kṣarat so'ṅgaraso'bhavatt' vā etamaṅgarasaṃ santamaṅgirā ityācakṣate | parokṣeṇa parokṣapriyā iva hi devā
bhavanti pratyakṣadviṣaḥ