Atharvavedabrahmana 12.14
Atharvavedabrāhmaṇa 12.14
- Language
- Sanskrit
12.14
indramabravīt, tvaṃ na imaṃ yajñasyāṅgamanusamāharan brāhmaṇācchaṃsīyāṃ | kena saheti | sūryyeṇeti | tathetyabrūtām | tau sayujau
sabalo bhūtvā prāsahā mṛtyumalyetām | tau hyasyaitadyajñasyāṅgamanusamāharatāṃ brāhmaṇācchaṃsīyāṃ | tasmād brāhmaṇācchaṃsī
prātaḥsavana aindrāṇi sūryyanyaṅgāni śam̐sati | tau hyasyaitadyajñasyāṅgamanusamāharatāṃ | yadeva aindrāṇi sūryyanyaṅgāni śam̐sati,
indra piva pratikāmaṃ sutasya prātaḥsāvastava hi pūrvapītiriti
ṛcābhyanūktam | āyāhi suṣumāhita ā no yāhi sutāvata
iti brāhmaṇācchaṃsina stotriyānurūpau | ayamu tvā vicarṣaṇa
iti ukthamukhaṃ | udvedabhiśrutāmaghamiti paryāyaḥ | indra kratuvidamiti yajati | ete eva taddevate yathābhāgaṃ prīṇāti, vaṣaṭkṛtyānuvaṣaṭ karoti | pratyevābhimṛśante nāpyāyayanti na hyanārāśam̐sāḥ sīdanti
Linked texts (2)
- Śākala — Sanskrit
- Gopathabrāhmaṇa (ed. Gaastra 1919) — Sanskrit