Atharvavedabrahmana 12.16

12.16

atha śaṃsāvomiti, stotriyāyānurūpāyokthamukhāya paridhānīyāyai iti, catuṟścaturāhvayante(1)| catasro vai diśaḥ, dikṣu tat pratitiṣṭhante(2)| atho catuṣpādaḥ paśavaḥ, paśūnāmāptyai | atho caturdhvāṇo hi prātaḥsavane hotrakāḥ | tasmāccatuḥsarve gāyatrāṇi
śaṃsanti | gāyatraṃ hi prātaḥsavanaṃ sarve samavatībhiḥ paridadhati
tadyat samavatībhiḥ paridadhati, anto vai paryāsonta udarkaḥ, antenaivāntaṃ paridadhati | sarve mahatībhiryajanti, tadyat mahatībhiryajanti | sarve sutavatobhiḥ pītavatībhirabhirūpābhiryajanti | yadyajñe'bhirūpaṃ, tatsamṛddhaṃ | savaḍanuvaṣaṭ kurvanti, sviṣṭakṛttvā anuvaṣaṭ‌kārī net sviṣṭakṛtamantarayāmeti | ayaṃ vai lokaḥ prātaḥsavanaṃ | tasya pañca diśaḥ pañcokthāni | prātaḥsavanasya sa etaiḥ
pañcabhirukyairetāḥ pañca diśa āpnotyetāḥ pañca diśa āpnoti