Atharvavedabrahmana 12.2-3

12.2-3

taṃ vodasma mṛtīṣahaṃ tatvā yāmi suvīryamiti brāhmaṇācchaṃsinaḥ stotriyānurūpau | udu tye madhumattamā gira iti bārhataḥ
pragāthaḥ | paśavo vai pragāthaḥ, paśavaḥ svaraḥ, paśūnāmāptyai | ato madhyaṃ
vai sarveṣāṃ chandasāṃ bṛhatī, madhyaṃ mādhyandinaṃ savanānāṃ, tanmadhyanaiva madhyaṃ samardhayati | indraḥ pūrbhidātiraddāsamarkairityukthamukhaṃ
udu brahmāṇyāairataśravasyeti paryāyaḥ | evedindraṃ vṛtraṇaṃ vajratrāhumiti,
paridadhāti | vasiṣṭhāso abhyarcanti, arkairiti | annaṃ vā arkaḥ,
annādyamevāsmai tatparidadhāti | sa na stuto vīravadvātu gomaditi,
prajāñcaivāsmai tatpaśūṃścāśāste | yūyaṃ pāta svastibhiḥ sadā na iti,
svastimato rūpasamṛddha | etadvai yajñasya samṛddhaṃ, yat rūpasamṛddhaṃ | yat
karma kriyamāṇamṛgyajurvābhivadati, svasti tasya yajñasya pāramaśnute
ya evaṃ veda yasyaivaṃ vidvān brāhmaṇācchaṃsī etayā paridadhāti
ṛjīṣī vajrī vṛṣabhasturoṣāḍiti yajati | etāmeva taddevatāṃ
yathābhāgaṃ prīṇāti, vaṣaṭkṛtyānuvaṣaṭkaroti | pratyevābhimṛśantenāpyāyayanti, na hvānārāśa9sāḥ sīdanti