Atharvavedabrahmana 13.7

13.7

atha sāma gāyati brahmā, kṣatraṃ vai sāma, kṣatreṇaivainaṃ tadabhiṣiñcati| atho sāmrājyaṃ vai sāma, sāmrājyenaivainaṃ tat
sāmrājyaṃ gamayati| atho sarveṣāṃ vā eṣa vedānāṃ rasaḥ, yat
sāma, sarveṣāmeva tadvedānāṃ rasenābhiṣiñcati| bṛhatyāṃ gāyanti(6),
bṛhatyāṃ vā asāvādityaḥ śriyāṃ pratiṣṭhāyāṃ pratiṣṭhitastapati
aindrāṃ bṛhatyāṃ gāyati (7)| aindro vā eṣa yajñakraturyat sautrāmaṇiḥ| aindrāyatana eṣa etarhi yo yajate, sva evainaṃ tadāyatane
prīṇāti| atha kasmāt saṃsthānāni nāma, etairvai sāmabhirdevā
ndramindriyeṇa vīryeṇa samabhyan(1), tathaivaitadyajamānā etairatha
sāmabhirindriyeṇaiva vīryeṇa samṛdhyanti | saṃśravase viśravase satyaśravase śravasa iti sāmāni bhavanti | eṣvevainaṃ lokeṣu pratiṣṭhāpayati | caturnidhanaṃ bhavati, catasro vai diśaḥ, dikṣu tat pratitiṣṭhante | atho catuṣpādaḥ paśavaḥ, paśūnāmāptyai | tadāhuḥ, yadetat sāma gīyate, atha kvaitasya sāmnamukthaṃ, kā pratiṣṭhā | trayo
devā ekādaśetyāhuḥ, etadvā etasya sāmnamukthameṣā pratiṣṭhā
trayastriṃśaṃ grahaṃ gṛhṇāti, sāmnaḥ pratiṣṭhāyai pratiṣṭhāyai