Atharvavedabrahmana 13.8

13.8

prajāpatirakāmayata, vājamāpnu yāt, svargaṃ lokamiti | sa etaṃ
vājapeyamapaśyat | vājapeyo vā eṣaḥ, ya eṣa tapati, vājametena
yajamānaḥ svargaṃ lokamāpnoti | śukravatyo jyotiṣmatyaḥ prātaḥsavane
bhavanti, tejo brahmavarcasaṃ tābhirāpnoti | vājavatyo mādhyandine
savane svargasya lokasya samaṣṭyai | annavatyo gaṇapatyaḥ paśumatyastṛtīyasavane bhavanti, bhūmānaṃ tābhirāpnoti | sarvaḥ saptadaśo
bhavanti(2), prajāpatirvai saptadaśaḥ, prajāpatimevāpnoti | hiraṇyasraja
ṛtvijo bhavanti, mahasa eva tadrūpaṃ kriyate | eṣa me'muṣmiṃlloke
prakāśosaditi, jyotirvai hiraṇyaṃ, jyotiṣevainamantardadhatyājiṃ
dhāvanti yajamānamujjāpayanti, nāke rohati, sa mahase rohati,
viśvamahase rohati, sarvamahase rohati, manuṣyalokādevainamantardadhati | devasya savituḥ savaṃ svargaṃ lokaṃ varṣiṣṭhaṃ nākaṃ roheyamiti
brahmā rathacakraṃ sarpati, savitṛprasūta evainaṃ tat samarpayati | atho
prajāpatirvai brahmā, prajāpatimevainaṃ vajñādadhiprasuvati, nākasyojityai vājināṃ santatyai | vājisāmabhigāyati, vājimān
bhavati | vājo vai svargo lokaḥ, svargameva taṃ lokaṃ rohati
viṣṇoḥ śipiviṣṭavatīṣu bṛhaduttamaṃ bhavati, svargameva taṃ lokaṃ
rūḍhvā bradhnasya viṣṭapamatikrāmatyatikrāmati