Atharvavedabrahmana 8.4

8.4

puruṣo vāva saṃvatsaraḥ, tasya prāṇa eva prāyaṇīyo'tirātraḥ prāṇena hi prayanti vāgārambhaṇīyamaharyadyadārabhate vāgārabhate vācaiva tadārabhate (1) tasyāyameva dakṣiṇaḥ pāṇirabhiplavastasyedaṃ prātaḥsavanamidaṃ mādhyandinam̐ savanamidaṃ tṛtīyaṃ
savanaṃ gāyatryā āyatane tasmādiyamasyai hrasiṣṭhā tasyedaṃ
prātaḥsavanamidaṃ mādhyandinaṃ savanamidaṃ tṛtīyasavanaṃ triṣṭubhaāyatane tasmādiyamasyai bariṣṭhā tasyedaṃ prātaḥsavanamidaṃ
mādhyandinam̐savanamidaṃ tṛtīyasavanaṃ jagatyā āyatane tasmādiyamanayorvariṣṭhā tasyedaṃ prātaḥsavanamidaṃ mādhyandinam̐ savanamidaṃ tṛtīyasavanaṃ paṅktyā āyatane pṛthuriva vai paṅktistasmādiyamāsāṃ
pratiṣṭhā tasyedaṃ prātaḥsavanamidaṃ mādhyandinam̐ savanamidaṃ tṛtīyasavanaṃ virāja āyatane'nnaṃ vai śrīḥ virār̤annādyasya śriyo'varudhyai
tasmādiyamāsāṃ variṣṭhā tasyedaṃ prātaḥsavanamidaṃ mādhyandinaṃ
savanamidaṃ tṛtīyasavanamaticchandasāṃ yāyatane'ticchando vai chandasāmāyatanaṃ tasmādidaṃ pratiṣṭhaṃ phalakaṃ tasyedaṃ prātaḥsavanamidaṃ
mādhyandinam̐ savanamidaṃ tṛtīyasavanaṃ saitaḥ saito'bhiplavaḥ saita ātmā
pṛṣṭhāḥ plavatīvābhiplavastiṣṭhatīva pṛṣṭhāḥ plavata iva hyevamaṅgaistiṣṭhatīvātmanā tasyāyameva dakṣiṇaḥ karṇo'bhijit tasya yad dakṣiṇamakṣṇaḥ śuklaṃ sa prathamasvarasāmā yat kṛṣṇaṃ sa dvitīyo yanmaṇḍalaṃ
sa tṛtīyo nāsike viṣuvān maṇḍalameva prathamo'rvāk svarasāmā
yat kṛṣṇaṃ sa dvitīyo yat śuklaṃ sa tṛtīyastasyāyaṃ savyaḥ karṇo
viśvajiduktau pṛṣṭhābhiplavau yāvavāñcau prāṇau tau gavāyūṣī
aṅgāni daśarātro mukhaṃ mahāvrataṃ tasyodāna evodayanīyo'tirātra udānena hyṛd yanti ya evaṃ veda sa vā eṣa saṃvatsaraḥ