Atharvavedabrahmana 8.5

8.5

puruṣo vāva saṃvatsaraḥ puruṣa ityekam̐ saṃvatsaramityeka ityatra
tatsamaṃ, dve ahorāntre saṃvatsarasya dvāvimau puruṣe prāṇā ityatra
tatsamaṃ, trayo vā ṛtavaḥ saṃvatsarasya traya ime puruṣe prāṇāityatra tatsamaṃ, ṣaḍ vā ṛtavaḥ saṃvatsarasya ṣaḍime puruṣe prāṇā ityatra
tatsamaṃ, sapta vā ṛtavaḥ saṃvatsarasya sapteme puruṣe prāṇāityatra tatsamaṃ, dvādaśamāsāḥ saṃvatsarasya dvādaśeme puruṣe prāṇāityatra tatsamaṃ, trayodaśamāsāḥ saṃvatsarasya trayodaśeme puruṣe
prāṇā ityatra tatsamaṃ, caturviṃśatirarddhamāsāḥ saṃvatsarasya caturviṃśo'yaṃ puruṣo viṃśatyaṅguliścaturaṅga ityatra tatsamaṃ, ṣaḍ viṃśatirarddhamāsāḥ saṃvatsarasya ṣaḍ viṃśo'yaṃ puruṣaḥ pratiṣṭhe ṣaḍ viṃśe
ityatra tatsamaṃ, trīṇi ca ha vai śatāni ṣaṣṭiśca saṃvatsarasāhorācāṇītyetāvanta eva puruṣasya prāṇā ityatra tatsamaṃ, sapta ca ha vai śatāni viṃśatiśca saṃvatsarasyāhāni ca
rātrayaścetyetāvanta eva puruṣasyāsthīni ca majjānaścetyatra tatsamaṃ, caturdaśa ca ha vai śatāni catvāriṃśacca saṃvatsarasyārddhāhrānyārddharātrayaścetyetāvanta eva puruṣasya kṣurāmāṃsānītyatra tat
samamaṣṭāviṃśatiśca ha vai śatānyaśītiśca saṃvatsarasya pādāhvāśca pādarātrayaścetyetāvanta eva puruṣasya snāvā bandhthā ityatra
tat samaṃ, daśa ca ha vai sahastrāṇyaṣṭau ca śatāni saṃvatsarasya muhūrttāḥ
ityetāvanta eva puruṣasya peśaśamarā ityatra tatsamaṃ, yāvanto muhūrttāḥ
pañcadaśakṛtvastāvantaḥ prāṇā yāvantaḥ prāṇāḥ pañcadaśakṛtvastāvanto'pānāḥ yāvanto'pānāḥ pañcadaśakṛtvastāvanto vyānā yāvanto
vyānāḥ pañcadaśakṛtvastāvantaḥ samānā yāvantaḥ samānāḥ pañcadaśakṛtvastāvanta udānā yāvanta udānāḥ pañcadaśakṛtvastāvantyetādīni
yāvantyetādīni tāvantye tarhīṇi yāvantyetarhīṇi tāvanti khedāyanāni yāvanti khedāyanāni tāvanti ciprāyaṇāni yāvanti
ciprāyaṇāni tāvantī romakūpā yāvanto romakūpāḥ pañcadaśakṛtvastāvatyo varṣato dhārāstadetat krośagatikamparimāṇaṃ
tadapyetadṛcoktam | śramādanyatra parivarttamānaścaratvāsīno
yadi vā svapannapi | ahorātrābhyāṃ puruṣaḥ kṣaṇena katikṛtvaḥ
prāṇiti cāpānati ca | śataṃ śatāni parivatsarāṇāmaṣṭau ca
śatāni muhūrttān yān vadanti (1) ahorātrābhyāṃ puruṣaḥ samena
katikṛtvaḥ prāṇiti cāpānati ceti brāhmaṇam