Atharvavedabrahmana 8.6-2

8.6-2

yadvai saṃvatsarāya saṃvatsarasado dīkṣante kathameṣāmagnihotramanantaritaṃ bhavati vrateneti brūyāt, kathameṣāṃ darśo'nantarito bhavati
daghnā ca puroḍāśena ceti brūyāt, kathameṣāṃ paurṇamāsamanantaritaṃ
bhavati ājyena ca puroḍāśena ceti brūyāt, kathameṣāmāgrayaṇamanantaritaṃ bhavati saumyena caruṇeti brūyāt kathameṣāṃ cāturmāsyānyanantaritāni bhavanti payaseti brūyāt, kathameṣāṃ paśubandho'nantarito
bhavati paśunā ca puroḍāśena ceti brūyāt, kathameṣāṃ saumyo'dhvaro'nantarito bhavati grahairiti brūyāt, kathameṣāṃ gṛhamedhī'nantarito bhavati dhānākarambhairiti brūyāt, kathameṣāṃ pitṛyajño'nantarito bhavatyaupāsanairiti brūyāt, kathameṣāṃ mithunamanantaritaṃ bhavati
hiṅkāreṇeti brūyātsaiṣā saṃvatsare yajñakratūnāmupaiti sa ya evametāṃ
saṃvatsare yajñakratūnāmupaiti veda yaccaina sa ātmā saloko
bhūtvā devā'pye tauti brāhmaṇam