Atharvavedabrahmana 8.8

8.8

prajāpatirakāmayatānanyamabhūyeti(2) so'gnīnādhāya pūrṇāhutyā
yajeta so'ntamevāpaśyatso'gnihotreṇeṣṭvā'ntamevāpaśyat sa darśapūrṇamāsābhyāmiṣṭvā'ntamevāpaśyat sa āgrayaṇeneṣṭvā'ntamevāpaśyatsa cāturmāsyairiṣṭvā'ntamevāpaśyatsa paśubandheneṣṭvā'ntamevāpaśyatso'gniṣṭomeneṣṭvā'ntamevāpaśyatsa rājasūyeneṣṭvā rājeti nāmādhatta so'ntamevāpaśyatsa vājapeyeneṣṭvā samrāḍiti nāmādhatta so'ntamavāpaśyatso'śvamedheneṣṭvā kharāḍiti nāmādhatta so'ntamavāpaśyatsa puruṣamedheneṣṭvā virāḍiti nāmādhatta so'ntamavāpaśyatsa sarvvamedheneṣṭvā
sarvvarāḍiti nāmādhatta so'ntamavāpaśyatso'hīnairadakṣiṇaiāvadbhiriṣṭvā
'ntamavāpaśyatso'hīnairadakṣiṇaiāvadbhiriṣṭvā'ntamavāpaśyatsa satreṇobhayato'tirātreṇāntato yajeta vācaṃ ha vai hotre prāyacchatprāṇamadhvaryyave cakṣurudgātre mano brahmaṇe'ṅgāni hotrakebhya ātmānaṃ
sadasyebhya evamānanyamātmānaṃ datvānanyamabhūyeti tadyā dakṣiṇāanayattābhirātmānaṃ niṣkrīṇīyaṃ tasmādetena jyotiṣṭomenāgniṣṭomenātmaniṣkrayaṇena sahasradakṣiṇena pṛṣṭhaśamanīyena tvareta
yo hyaniṣṭvā pṛṣṭhaśamaneyena praityātmānaṃ so niṣkrīṇīya praitīti
brāhmaṇam