Atharvavedabrahmana 9.20

9.20

atha yadagnīṣomau prathamaṃ devatānāṃ yajati, agnīṣomau vai devānāṃ mukhaṃ, mukhata eva taddevān prīṇāti | atha yatsravitāraṃ yajaṃti,
aso vai savitā, yo'sau tapati, etameva tena prīṇāti | atha
yat sarakhatīṃ yarjati, vāg vai sarakhatī, vācamiva tena prīṇāti
atha yat pūṣaṇaṃ yajati, aso vai pūṣā, yo'sau tapati, etameva
tena prīṇāti | atha yanmarutaḥ svatavaso yajati, ghorā vai marutaḥ
svatavasaḥ, tāneva tena prīṇāti | atha yadviśvān devānyajati,
ete vai viśve devāḥ, yatsarve devāḥ, tāneva tena prīṇāti | atha
yad dyāvāpṛthivyau yajati, pratiṣṭhe vai dyāvāpṛthivyau, pratiṣṭhityā
eva | atha yaddājino yajati, paśavo vai vājinaḥ, paśūneva tena
prīṇāti | atho ṛtavo vai vājinaḥ, ṛtūneva tena prīṇāti
atho chandāṃsi vai vājinaḥ, chandāṃsyeva tena prīṇāti | atho
devākhyā vai vājinaḥ, atra devāḥ sākhyā abhīṣṭāḥ prītā bhavanti
atha yatpurastāt paurṇamāsena yajate, tathā hāsya pūrvapakṣe vaiśvadeveneṣṭaṃ bhavati