Atharvavedabrahmana 9.25

9.25

atha yajjīvanavantāvājyabhāgau bhavataḥ, yajamānameva tajjīvayataḥ | atha yadekaikasya haviṣastisrastisro yājyā bhavanti, hvayatyevaināṃ prathamayā, ditīyayā gamayati, haiva tṛtīyayā yacchati | atho
devayajñamevainaṃ pitṛyajñena vyāvartayanti, atho dakṣiṇāsaṃstho vai pitṛyajñaḥ, tamevaitadudaksaṃsthaṃ kurvanti | atha yadagniṃ kavyavāhanamantato
yajati, etat sviṣṭakṛto vai pitaraḥ, tasmādagniṃ kavyavāhanamantato yajati | atha yadiḍāmupahvayāvaghrāya na prāśnanti, paśavo
vā iḍā, netpaśūn pramṛṇajānīti | atha yat sūktavāke yajamānasyāśiṣonvāha(1), nedyajamānaṃ pramṛṇajānīti | atha yat patnīnna
saṃyājayanti, net patnīṃ pramṛṇajānīti | atha yat pavitravati mārjjayante, śāntirvai bheṣajamāpaḥ, śāntirevaiṣāṃ bheṣajamantato yajñe
kriyate | atha yadadhvaryuḥ pitṛbhyo nipṛṇāti, jīvāneva tat pitṛnanu(2) manuṣyāḥ pitaro'nupravahanti | atho devayajñamevainaṃ pitṛyajñena vyāvartayanti | atho dakṣiṇāsaṃstho vai pitṛyajñaḥ, tamevaitadudaksaṃsthaṃ kurvanti | atha yat prāñco'bhyutkramyādityamupatiṣṭhante,
devaloko vā ādityaḥ, pitṛlokaḥ pitaraḥ, devalokamevainaṃ
pitṛlokādupasaṅkrāmayantīti | atha yahakṣiṇāñco'bhyutkramyāgnīnupatiṣṭhante, protyaiva taddeveṣvantato'rcaṃ caranti | atha yadudañco'bhyutkramya traiyambakairyajante, rudrameva tat svasyāṃ diśi prīṇanti | atho
devayajñamevainaṃ pitṛyajñena vyāvartayanti | atho dakṣiṇāsaṃstho vai
pitṛyajñaḥ, tamevaitadudaksaṃsthaṃ kurvanti | atha yadantata ādityecyā
yajati(3) iyaṃ vā aditistyāmevainamantataḥ pratiṣṭhāpayati | atha
dyatparastāt paurṇamāsena yajate, tathāhāsya pūrvapace sākamedhairiṣṭaṃ
bhavati