Atharvavedabrahmana 9.26

9.26

trayodaśaṃ vā etaṃ māsamāpnoti, yacchunāsīryeṇa yajate,
etāvānbai saṃvatsaraḥ, yāvāneṣa trayodaśo māsaḥ| atha yadagniṃ
praṇayanti, yamevāmuṃ vaiśvadeve manthanti, tameva tat praṇayanti, yanmathyate, tasyoktaṃ brāhmaṇaṃ, yadyu na mathyate paurṇamāsameva tantraṃ bhavati,
pratiṣṭhā vai paurṇamāsaṃ, pratiṣṭhityai eva | atha yadvāyuṃ yajati,
prāṇo vai vāyuḥ, prāṇameva tena prīṇāti| atha yacchunāsīraṃ
yajati, saṃvatsaro vai sunāsīraḥ, saṃvatsarameva tena prīṇāti
atha yatsūryyaṃ yajati, asau vai sūryyaḥ, yo'sau tapati, etameva tena
prīṇāti| atha yacchetā dakṣiṇā dadāti, etasyaiva tadrūpaṃ
kriyate | atha yat prāyaścittapratinidhiṃ (1) kurvanti, svastyayanameva tat kurvanti, yajñasyaiva śāntiryajamānasya bheṣajyāya| tairvā
etaiścāturmāsyairdevāḥ sarvān kāmānāpnuvan, sarvā dṛṣṭīḥ sarvamamṛtatvaṃ | sa vā eṣa prajāpatiḥ caturviṃśaḥ, yaccāturmāsyāni, tasya
mukhameva vaiśvadevaṃ, bāhū varuṇapraghāsāḥ prāṇo'pāno vyāna ityetāstisra iṣṭayaḥ, ātmā mahāhaviḥ, pratiṣṭhā sunāsīraṃ, sa vā
eṣa prajāpatireva saṃvatsaraḥ, yaccāturmāsyāni, sarvaṃ vai prajāpatiḥ,
sarvaṃ cāturmāsyāni, tatsarveṇaiva sarvamāpnoti, ya evaṃ veda, yaścaivaṃ
vidvāṃścāturmāsyai ryajate cāturmāsyairyajate