Rigvedabrahmana 10.5

10.5

atha stokīyā anvāha stokānevaitābhiragnaye svadayatyetā ha vā
u teṣāṃ puronuvākyā etā yājyāstasmādabhirūpā bhavanti svāhākṛtibhiścaritvā vapayā caranti prayājāneva tatpaśubhājaḥ kurvanti na svāhākṛtīśca vapāṃ cāntareṇa vācaṃ visṛjeta prāṇā vai svāhākṛtaya ātmā
vapā netprāṇāṃścātmānaṃ cānyenāntardadhānītyatha yadanuṣṭubho 'gnīṣomīyasya
paśoḥ puronuvākyā bhavanti gāyatrī vai sā yānuṣṭubgāyatramagneśchando
'tha yattriṣṭubho yājyāḥ kṣatrasyaivaitacchando yattriṣṭuptracaṃ somastadyathāchandasaṃ
devate prīṇātyatha vai paśumālabhyamānaṃ puroḍāśo nirupyate³ medho vā
eṣa paśūnāṃ yatpuroḍāśaḥ samedhamevainaṃ tayajñiyaṃ karotyatha yatra puroḍāśo nirupyate¹ tatpuroḍāśaḥ sviṣṭakṛdacyuto 'gnirvai sviṣṭakṛttasmādacyuto bhavati vaiśvāmitrīṃ puroḍāśasviṣṭakṛtaḥ puronuvākyāmanūcya vaiśvāmitryā yajati tartirvai yajñasya puroḍāśo vāgvai viśvāmitro vācā
yajñastāyate