Rigvedabrahmana 12.7
Ṛgvedabrāhmaṇa 12.7
- Language
- Sanskrit
12.7
tasya bhuvo yajñasya rajasaśca neteti bhuvadvatī vapāyai yājyā pra vaḥ
śukrāya bhānave bharadhvamiti śukravatī puroḍāśasya pra kāravo mananā
vacyamānā iti haviṣmatī haviṣa ekādaśinīṃ³ tvevānvāyārtayeyuriti
sā sthitiryadi pṛṣṭhyopāyaṃ⁴ bhavatyathāvāhana āvaha devānyajamānāyāgnimagna āvaha vanaspatimāvahendraṃ vasu mantamāvaheti tatprātaḥsavanamāvāhayatīndraṃ rudravantamāvaheti tanmādhyaṃdinaṃ savanamāvāhayatīndramādityavantamṛbhumantaṃ vibhumantaṃ vājavantaṃ bṛhaspatimantaṃ viśvedevāvantamāvaheti
tattṛtīyasavanamāvāhayatyata u haike vanaspatimāvāhayantyantata āvādyastṛtīyasavane hyenaṃ yajantīti vadantastadu vā āhurātmā vai paśuḥ prāṇo vanaspatiryastaṃ tatra brūyātprāṇādātmānamantaragānna jīviṣyatīti tathā
ha syāttasmātpaśumevopasaṃdhāya vanaspatirāvāhyo mīmāṃsitaḥ paśuḥ
Linked texts (4)
- Kauṣītakibrāhmaṇa — Kauṣītaki, Sanskrit
- Śāṅkhāyanaśrautasūtra — Śāṅkhāyana, Sanskrit
- Āśvalāyanaśrautasūtra (ed. Rāmanārāyaṇa Vidyāratna, Calcutta) — Sanskrit
- Ṛgvedaśāṅkhāyanīyabrāhmaṇa — Sanskrit