Rigvedabrahmana 21.2

21.2

gāṃ caturthamaharupayanti tasya tānyeva cchandorūpāṇi yāni caturthasyāhno hotāṃ janiṣṭa cetana ityājyaṃ jātavajjātavadvai caturthasyāhno rūpaṃ
maidhātithaḥ praugo bṛhadvai sāma sṛjyamānaṃ maidhātithaḥ praugo 'nvasṛjyata
tadrūpeṇa karma samardhayatyetadvā ārdhukaṃ karma yadrūpasamṛddhaṃ janiṣṭhā ugraḥ
sahase turāyeti marutvatīyaṃ jātavajjātavadvai caturthasyāhno rūpamugro jajñe
vīryāya svadhāvāniti niṣkevalyaṃ jātavajjātavadvai caturthasyāhno rūpaṃ
taddevasya saviturvāryaṃ mahaditi sāvitramajījanatsavitā sumnamukthyamiti
jātavajjātavadvai caturthasyāhno rūpaṃ te hi dyāvāpṛthivī viśvaśaṃbhuveti
dyāvāpṛthivīyaṃ sujanmanī dhiṣaṇe antarīyatā iti jātavajjātavadvai caturthasyāhno rūpamanaśvo jāto anabhīśurukthya ityārbhavaṃ jātavajjātavadvai
caturthasyāhno rūpamagnirindro varuṇo mitro aryameti vaiśvadevaṃ yajñaṃ
janitvī tanvī nimāmṛjuriti jātavajjātavadvai caturthasyāhno rūpaṃ vaiśvānarāya pṛthupājase vipa iti vaiśvānarīyaṃ tasmintsumnāni yajamāna
ācaka ityāvadāvadvai caturthasyāhnaḥ prāyaṇīyarūpaṃ punaḥprāyaṇīyaṃ hi caturthamaharjāta āpṛṇo bhuvanāni rodasī iti jātavajjātavadvai caturthasyāhno rūpaṃ pra ye śumbhante janayo na saptaya iti mārutaṃ jātavajjātavadvai caturthasyāhno rūpaṃ janasya gopā ajaniṣṭa jāgṛviriti jātavedasīyaṃ jātavajjātavadvai caturthasyāhno rūpamannaṃ caturthenāhnāpnuvanti candramasaṃ devaṃ devatānāṃ diśo 'dhibhūtaṃ śrotramātmandadhate