Rigvedabrahmana 21.3-2

21.3-2

āyuḥ pañcamamaharupayanti tasya tānyeva cchandorūpāṇi yāni pañcamasyāhno 'gna ojiṣṭhamābharetyājyaṃ pra no rāyā parīṇaseti rāyeti
rayimadrayimaditi vā asya rūpamadhyāsavattatpaṅkte rūpaṃ saṃhāryaḥ praugo
rathantaraṃ vai sāma sṛjyamānaṃ saṃhāryaḥ praugo 'nvasṛjyata tadrūpeṇa karma
samardhayatyetadvā ārdhukaṃ karma yadrūpasamṛddhaṃ kva sya vīraḥ ko apaśyadindramiti marutvatīyaṃ yo rāyā vajī sutasomamicchanniti rāyeti rayimadrayimaditi vā asya rūpametāyāmopa gavyanta indramiti niṣkevalyaṃ
gavyanta iti paśumatyaśumaditi vā asya rūpamudu ṣya devaḥ savitā
hiraṇyayeti sāvitraṃ ghṛtena pāṇī abhipruṣṇute makha iti ghṛtavaddūtamiti
paśumatyaśumaditi vā asya rūpaṃ ghṛtavatī bhuvanānāmabhiśriyeti dyāvāpṛthivīyaṃ ghṛtavattasyoktaṃ brāhmaṇaṃ tataṃ me apastadu tāyate punarityārbhavaṃ suceva ghṛtaṃ juhavāma vidmaneti ghṛtavattasyoktaṃ brāhmaṇaṃ kathā
devānāṃ katamasya yāmanoti vaiśvadevaṃ sahasrasā medhasātāviva tmaneti
sahasrasā iti paśumatyaśumaditi vā asya rūpaṃ pṛkṣasya vṛṣṇo aruṣasya
nū saha iti vaiśvānarīyamapāmupasthe mahiṣā agṛbhṇateti mahiṣā iti
paśumatyaśumaditi vā asya rūpaṃ pra vaḥ sraḍakrantsuvitāya dāvana iti
mārutaṃ gavāmiva śriyase śṛṅgamuttamamiti gavāmiveti paśumatyaśumaditi vā asya rūpaṃ citra icchiśostaruṇasya vakṣatha iti jātavedasīyaṃ
vājintamāya sahyase supinvneti vājavattadetasyāhno rūpamathāsavattatpaṅkte
rūpaṃ paśūnpañcamenāhnāpnuvanti rudraṃ devaṃ devatānāṃ yaśo 'dhibhūtaṃ vīryamātmandadhate