Rigvedabrahmana 21.6
Ṛgvedabrāhmaṇa 21.6
- Language
- Sanskrit
21.6
kḷpto vā abhisravaḥ kḷptacchandā yo vai yajñakratuḥ kḷptacchandā bhavati sarvajāgatāni vai tasya nividdhānāni bhavanti tṛtīyasavane tathā
yathāyathaṃ nivido dhīyante tā enānyathāyathaṃ dhīyamānāḥ sarveṣu ca
lokeṣu sarveṣu ca kāmeṣu yathāyathaṃ dadhati tadyatsarvajāgatāni nividdhānāni bhavanti tṛtīyasavane teno yaḥ sarvajāgate tṛtīyasavane kāmaḥ
sa upāpto yadvaivaitāstantyāstriṣṭubho 'harahaḥ śasyante teno yaḥ sarvatraiṣṭubhe
tṛtīyasavane kāmaḥ sa upāpto yadvaivaiṣā tantyā gāyatryaharahaḥ surūpakṛtnuḥ śasyate teno yaḥ sarvagāyatre tṛtīyasavane kāmaḥ sa upāpto yadvevaiṣa ṣaḍahaḥ punaḥ punarabhisravate tasmādabhisravo nāmābhisravante hyanena
svargāya lokāya yajamānāḥ svargāya lokāya yajamānāḥ
Linked texts (2)
- Kauṣītakibrāhmaṇa — Kauṣītaki, Sanskrit
- Ṛgvedaśāṅkhāyanīyabrāhmaṇa — Sanskrit