Rigvedabrahmana 23.7

23.7

tā² daśa jagatyaḥ saṃpadyante jagatprātaḥsavano hyeṣa tryaho viṃśatirgāyatrīrgāyatrī prātaḥsavanaṃ vahati tadu ha prātaḥsavanarūpānāpaitīti
nu vyūḍha uhṛtyaitadagniṃ naro dīdhitibhiraraṇyoriti samūḍhe vairājamājyaṃ
vairājaṃ pṛṣṭhaṃ tatsaloma vāsiṣṭhamājyaṃ vāsiṣṭhaṃ pṛṣṭhaṃ tatsaloma hastacyutī
janayanta praśastamiti jātavattadetasyāhno rūpamānuṣṭubhaḥ prauga ānuṣṭubhaṃ
vai caturthamahastadenentvena cchandasā samardhayati taṃ tvā yajñebhirīmaha iti
yajñavatyā marutvatīyaṃ pratipadyate punarārambhyo vai caturthe 'hanyajño yajñameva tadārabhate śrudhī havamindra mā riṣaṇya iti marutvatīyaṃ tā vā
etāstriṣṭubho virāḍūrṇāstā atra kriyanta etā hyahno rūpeṇa saṃpannā
indra marutva iha pāhi somamiti vijñātatraiṣṭubhaṃ savanadharaṇaṃ tāni vā
etāni vijñātatraiṣṭubhāni savanadharaṇāni madhyaṃdinānna cyavante traiṣṭubho
vā indro madhyaṃdināyatano vā indrastadyadetāni vijñātatraiṣṭubhāni savanadhāraṇānyapi vyūḍhacchandaso madhyaṃdinānna cyavante traiṣṭubha indro nedindraṃ
svādāyatanāccyavayānīti jātaṃ yattvā pari devā abhūṣanniti jātavattadetasyāhno rūpamimaṃ nu māyinaṃ huva iti marutvatīyaṃ gāyatraṃ gāyatramadhyaṃdino hyeṣa tryahaḥ