Rigvedabrahmana 23.8

23.8

athāta iha nyūhnedyedihā3 iti stotriyānurūpayoścaivaṃ nyūhnā ukthamukhyīyayoścātha nādriyetātmā vai stotriyaḥ prajānurūpo 'nnaṃ virāḍannaṃ
nyūṅkho 'nnamevātmani prajāyāṃ ca dadhātyānuṣṭubhaṃ nyūṅkhaṃ nyūṅkhayediti haika
āhurānuṣṭubhaṃ vai caturthamahastadenatsvena cchandasā samardhayati vairājaṃ nyūṅkhaṃ
nyūṅkhayediti sā sthitiratnaṃ virāḍannaṃ nyūṅkho 'nnameva tadātmani prajāyāṃ
ca dadhāti madhyame pade nyūṅkhayedātmā vai pūrvaṃ padaṃ prajottamaṃ madhyaṃ madhyamaṃ
padaṃ madhye vā ihamātmano 'nnaṃ dhīyate tadyathābhigrāsama̍nnamadyādevaṃ tadindramiddevatātaya ityaṣṭendraḥ sāmnaḥ pragātha etena vai devāḥ sarvā aṣṭīrāśnuvata tatho evaitadyajamānā etenaiva sarvā aṣṭīraśnuvate kuha śruta
indraḥ kasminnadyeti kuhaśrutīyāstā vā etā virājo vānuṣṭubho vā
bhavanti tā atra kriyanta etā hyahno rūpeṇa saṃpannā yudhmasya te vṛṣabhasya
svarāja iti vijñātatraiṣṭubhaṃ savanadharaṇaṃ tasyoktaṃ brāhmaṇaṃ svarāja iti
svarāḍutsvarāḍḍhaditi vā asya rūpaṃ tyamu vaḥ satrāsāhamiti niṣkevalyaṃ
viśvāṃsu gīrṣvāyatamityāvadāvadvai caturthasyāhnaḥ prāyaṇīyarūpaṃ punaḥprāyaṇīyaṃ hi caturthamahargāyatraṃ gāyatramardhaṃdino hyeṣa tryahaḥ