Rigvedabrahmana 23.9

23.9

hiraṇyapāṇimūtaya ityūtimānanucara ūtaya ityūtimadūtimaditi
vā asya rūpamā devo yātu savitā suratnaḥ pra dyāvā yajñaiḥ pṛthivī
namobhiḥ pra ṛbhubhyo dūtamiva vācamiṣye pra śukaitu devī manīṣetyeti
vā vai preti vā prāyaṇīyarūpaṃ tasmādāvanti ca pravanti ca caturthe
'hantsūktāni śasyante prāyaṇīyarūpeṇa punaḥprāyaṇīyaṃ hi caturthamahardvipadāḥ
śasyante dvipādvā abhikramitumarhatyabhikrāntyai tadrūpaṃ tadyathopaprayāya svargasya
lokasya nedīyastāyāṃ vasedevaṃ tatpra samrājo asurasya praśastimiti
vaiśvānarīyaṃ samrāja iti samrāḍutsamrāḍḍhaditi vā asya rūpaṃ ka īṃ
vyaktā naraḥ sanīḍā iti mārutaṃ tasya tadbrāhmaṇaṃ yatpraśukīyasya huve
vaḥ sudyotmānaṃ suvṛktimiti jātavedasīyaṃ tasya tadbrāhmaṇaṃ yanmarutvatīyasya
prayantu vājāstavantobharamraya iti tisro 'dhikāḥ samūḍha¹ ā tveṣamugramava īmahe vayamityāvadāvadde caturthasyāhnaḥ prāyaṇīyarūpaṃ punaḥprāyaṇīyaṃ
hi caturthamaharvasuṃ na citramahasaṃ gṛṇīṣa iti jātavedasīyaṃ ghṛtanirṇigbrahmaṇe gātumerayetyāvadāvaddai caturthasyāhnaḥ prāyaṇīyarūpaṃ punaḥprāyaṇīyaṃ
hi caturthamaharathokthyānyupetya sṛptvā ṣoḍaśinamupayanti ṣoḍaśakalaṃ vā
idaṃ sarvamasyaiva sarvasyāptyā annaṃ caturthenāhnāpnuvantyanuṣṭubhaṃ chanda ekaviṃśaṃ
stomaṃ vairājaṃ sāmodīcīṃ diśaṃ śaradamṛtūnāṃ sādhyāṃścāpyāṃśca devāndevajāte bṛhaspatiṃ ca candramasaṃ cādhipatī bṛhaspatiṃ ca candramasaṃ cādhipatī