Rigvedabrahmana 31.10

31.10

ṣaṭtriṃśataṃ maitrāvaruṇaścaturviṃśe śaṃsati catvāriṃśataṃ brāhmaṇācchaṃsī
catuścatvāriṃśatamacchāvākastaddiśatiśataṃ viṃśatiśataṃ vā ṛtorahāni tadṛtumāpnotyṛtunā saṃvatsaraṃ ye ca saṃvatsare kāmāḥ pañca pañca sūktāni
maitrāvaruṇaḥ śaṃsati sarveṣu chandomeṣu paśavo vai chandomāḥ pāṅktāḥ paśavaḥ
paśūnāmevāptyai catvāri sūktāni brāhmaṇācchaṃsī śaṃsati prathame chandome
paśavo vai chandomāścatuṣṭayā vai paśavo 'tho catuṣpādāḥ paśūnāmevāptyai
pañca pañcottarayoḥ paśavo vai chandomāḥ pāṅktāḥ paśavaḥ paśūnāmevāptyai
pañca sūktānyacchāvākaḥ śaṃsati prathame chandome paśavo vai chandomāḥ pāṅktāḥ paśavaḥ paśūnāmevāptyai ṣaṭṣaḍuttarayoḥ ṣaḍvā ṛtavaḥ saṃvatsaraḥ saṃvatsarasyaivāptyai caturāhāvāni śastrāṇi paśavo vā ukthāni catuṣṭayā
vai paśavo 'tho catuṣpādāḥ paśūnāmevāptyai ṣaṣṭha evāhanmaitrāvaruṇasya pañcāhāvaṃ bhavati paśavo vā ukthāni pāṅktāḥ paśavaḥ paśūnāmevāptyā
aikāhikā ukthayājyāḥ pratiṣṭhā vā ekāhaḥ pratiṣṭhityai evānuvaṣaṭkurvantyāhutīnāmeva śāntyā āhutīnāṃ pratiṣṭhityai