Rigvedabrahmana 31.9

31.9

tāmrthyai dūrohaṇaṃ rohatīti taduktaṃ gāyatrīṣu brāhmaṇācchaṃsine praṇayanti dvitīye 'haṃsteno sa maitrāvaruṇasya vaśameti pra maṃhiṣṭhāya bṛhate
bṛhadraya iti ṣaḍṛcaṃ dvistāvadyāvanmaitrāvaruṇasya kārṣṇo 'harahaḥ paryāso
bhavati kṛṣṇo haitadāṅgiraso brāhmaṇācchaṃsīyāyai tṛtīyasavanaṃ dadarśa
tasmātkārṣṇo 'harahaḥ paryāso bhavatyanuṣṭupsvacchāvākāya praṇayanti tṛtīye
'haṃsteno sa brāhmaṇācchaṃsino vaśametyūtūrjanitrīyaṃ trayodaśacaṃ dvistāvadyāvadbrāhmaṇācchaṃsina ekā copa bhāradvājo 'harahaḥ paryāso bhavati
bharadvājo haitadacchāvākīyāyai tṛtīyasavanaṃ dadarśa tasmādbhāradvājo 'harahaḥ paryāso bhavati vaiṣṇave viparyasyatyacchāvākaḥ paryāsāvitarau dviparyāso maitrāvaruṇasya¹ brāhmaṇācchaṃsī caikaparyāsò 'cchāvākastadyadacyutaparyāso 'cchāvākaḥ pratiṣṭhā vā acchāvākaḥ pratiṣṭhityai eva