Dashopanishad 28

Daśopaniṣad 28

Language: Sanskrit

28.1 — 9 parts

28.1.1

brahmānandavallī
prathamo'nuvākaḥ
śiṣyaprārthanam
oṃ saha nāvavatu | saha nau bhunaktu | saha vīryaṃ karavāvahai
tejasvi nāvadhītamastu mā vidviṣāvahai | oṃ śāntiḥ śāntiḥ
śāntiḥ
brahmaṇaḥ sṛṣṭikramaḥ
oṃ brahmavidāpnoti param | tadeṣā'bhyuktā | satyaṃ jñānamanantaṃ brahma | yo veda nihitaṃ guhāyāṃ parame vyoman | so'śnute
sarvān kāmān saha | brahmaṇā vipaścitetiṃ | tasmādvā etasmādātmana ākāśaḥ saṃbhūtaḥ | ākāśādvāyuḥ | vāyoragniḥ | agnerāpaḥ
adbhyaḥ pṛthivī | pṛthivyā oṣadhayaḥ | oṣadhībhyo'nnam
annātpuruṣaḥ | sa vā eṣa puruṣo'nnarasamayaḥ | tasyedameva śiraḥ
ayaṃ dakṣiṇaḥ pakṣaḥ | ayamuttaraḥ pakṣaḥ | ayamātmā | idaṃ pucchaṃ
pratiṣṭhā | tadapyeṣa śloko bhavati
tatpāryāpahṇavato niṣpratiyogikatayā brahmamātramavaśiṣyate | tajjñānasamakālaṃ vidvān
tanmātramavaśiṣyata iti ca prakaṭayituṃ iyaṃ ānandavallī ārabhyate-brahmavidāpnoti paraṃ iti | svātiriktakalanāpahṇavataḥ svamātratayopabṛṃhaṇāt brahma
tat svāvaśeṣatayā vettīti brahmavit vidvān | tadvedanasamakālaṃ paraṃ
niṣpratiyogikanirviśeṣaṃ brahma svamātramityāpnoti | "sa yo ha vai tat paraṃ
brahma veda brahmaiva bhavati" iti vedanasamakālameva brahmabhāvāpattiśruteḥ | sarvasya
vallyarthasya "brahmavidāpnoti param" iti vākyaṃ sūtrabhūtam | kathaṃ punaḥ sūtravākyasūcitaṃ brahma svamātramavaśiṣyate svātiriktānṛtajaḍaduḥkhadeśakālavastuparicchedāt ?
ityāśaṃkya anṛtādikalpanāpahṇavasiddhaṃ brahma niṣpratiyogikasvamātramavaśiṣyata ityarthe
ṛgeṣā mānamityāha-taditi | tasmin sūtrabhūtabrāhmaṇavākyokte'rthe eṣā ṛk

28.1.2

28.1.3

28.1.4

28.1.5

28.1.6

28.1.7

28.1.8

28.1.9

ṛtā 3 sya | pūrvaṃ devebhyo'mṛtasya nā 3 bhāyi | yo mā dadāti
sa ideva mā 3 vāḥ | ahamannamannamadantamā 3 dmi | ahaṃ viśvaṃ
bhuvanamabhyabhavā 3 m | suvarṇajyotīḥ | ya evaṃ veda | ityupaniṣat
iti bhṛguvallyāṃ daśamo'nuvākaḥ
aitareyopaniṣat
vāṅme manasi-iti śāntiḥ
prathamo'dhyāyaḥ¹
brahmaprāpakamārgakathanam
eṣa panthā etatkarmaitadbrahmaitatsatam | tasmānna pramādyettannātīyāt | na hyatyāyan pūrve ye'tyāyaṃste parā babhūvuḥ | taduktamṛṣiṇā
prajā ha tisro atyāyamīyurnyanyā arkamabhito viviśre | bṛhaddha
tasthau bhuvaneṣvantaḥ pavamāno harita āviveśa | prajā ha tisro
atyāyamīyuriti yā vai tā imāḥ prajāstisro atyāyamāṃyaṃstānīmāni vayāṃsi vaṅgāvagadhāścerapādāḥ | nyanyā arkamabhito viviśra
iti tā imāḥ prajā arkamabhito niviṣṭā imamevāgnim | bṛhaddha
tasthau bhuvaneṣvantarityada u eva bṛhadbhuvaneṣvantarasāvādityaḥ | pavamāno
harita āviveśeti vāyureva pavamāno diśo harita āviṣṭaḥ

28.2

karmajñānamayī dṛṣṭiḥ yatprajñāne samāpyate
tat prajñānaṃ paraṃ brahma svamātraṃ na svataḥ pṛthak
taddhyagryaṃ sarvadharmāṇāṃ prāpyate hyamṛtaṃ yataḥ
mahadukthasya jñānasamuccitakarmatvam
ukthamukthamiti vai prajā vadanti tadidamevokthamiyameva
pṛthivīto hīdaṃ sarvamuttiṣṭhati yadidaṃ kiñca | tasyāgnirarko'nnamaśītayo'nnena hīdaṃ sarvamaśnute | antarikṣamevokthamantarikṣaṃ vā anu
patantyantarikṣamanu dhāvayanti tasya vāyurarko'nnamaśītayo'nnena
hīdaṃ sarvamaśnute | asāveva dyaurukthamamutaḥ pradānāddhīdaṃ sarvamuttiṣṭhati yadidaṃ kiñca tasyāsāvādityo'rko'nnamaśītayo'nnena
hīdaṃ sarvamaśnute | ityadhidaivatamathādhyātmam | puruṣa evokthamayameva mahān prajāpatirahamukthamasmīti vidyāt | tasya mukhamevokthaṃ yathā pṛthivī tathā | tasya vāgarko'nnamaśītayo'nnena hīdaṃ
sarvamaśnute | nāsike evokthaṃ yathāntarikṣaṃ tathā | tasya prāṇo'rko'nnamaśītayo'nnena hīdaṃ sarvamaśnute | tadetadbrahmaṇasya viṣṭapaṃ yadetannāsikāyai vinatamiva | lalāṭamevokthaṃ yathā dyaustathā tasya cakṣurarko'nnamaśītayo'nnena hīdaṃ sarvamaśnute | samānamaśītayo'dhyātmaṃ
cādhidaivataṃ cānnamevānnena hīmāni sarvāṇi bhūtāni samananti 3
annenemaṃ lokaṃ janayatyannenāmuṃ tasmātsamānamaśītayo'dhyātmaṃ cādhidaivataṃ cānnameva | tadidamannamannādamiyameva pṛthivīto hīdaṃ sarvamuttiṣṭhati
yadidaṃ kiñca | yaddha kiñcedaṃ 1prettā 3 i tadasau sarvamatti yadu
kiñcātaḥ praitī 3 tadiyaṃ sarvamatti seyamityādyāttattrī | attā hyadyo
bhavati | na tasyeśe yannādyādyadyainaṃ nādyuḥ

28.3

athāto retasaḥ sṛṣṭiḥ prajāpate reto devā devānāṃ reto varṣaṃ
varṣasya reta oṣadhaya oṣadhīnāṃ reto'nnamannasya reto reto retaso retaḥ
prajāḥ prajānāṃ reto hṛdayaṃ hṛdayasya reto mano manaso reto vāgvāco
retaḥ karma tadidaṃ karma kṛtamayaṃ puruṣo brahmaṇo lokaḥ | sa irāmayo
yaddhīrāmayastasmāddhiraṇmayaḥ | hiraṇmayo yo ha vā amuṣmin loke
saṃbhavati hiraṇmayaḥ sarvebhyo bhūtebhyo dadṛśe ya evaṃ veda

28.4

taṃ prapadābhyāṃ prāpadyata brahmemaṃ puruṣaṃ yatprapadābhyāṃ prāpadyata
brahmemaṃ puruṣaṃ tasmātprapade tasmātprapade ityācakṣate śaphāḥ khurā
ityanyeṣāṃ paśūnām | tadūrdhvamudasasarpatta ūrū abhavatām | uru
gṛṇīhītyabravīttadudaramabhavat | urveva me kurvityabravīttaduro'bhavat
udaraṃ brahmeti śārkarākṣyā upāsate hṛdayaṃ brahmetyāruṇayo brahmaiva tā
3 i | ūrdhvaṃ tvevodasarpattacchiro'śrayata yacchiro'śrayata tacchiro'bhavattacchirasaḥ śirastvam | tā vā etāḥ śīrṣanñchriyaḥ śritāścakṣuḥ
śrotraṃ mano vākprāṇaḥ | śrayante'smiñchriyo ya evametacchirasaḥ
śirastvaṃ veda | tā ahiṃsantāhamukthamasmyukthamasmīti tā
abruvan hantāsmāccharīrādutkrāmāma tadyasminna utkrānta idaṃ śarīraṃ
patsyati tadukthaṃ bhaviṣyatīti | vāgudakrāmadavadannaśnan pibannāstaiva
cakṣurudakrāmadapaśyannaśnan pibannāstaiva śrotramudakrāmadaśṛṇvannaśnan
pibannāstaiva mana utkrāmanmīlita ivāśnan pibannāstaiva prāṇa
udakrāmattatprāṇa utkrānte'padyata
tadaśīryatāśārītī 3 taccharīramabhavattaccharīrasya śarīratvam
śīryate ha vā asya dviṣan pāpmā bhrātṛvyaḥ parāsya dviṣan pāpmā
bhrātṛvyo bhavati ya evaṃ veda | tā ahiṃsantaivāhamukthamasmyahamukthamasmīti tā abruvan hantedaṃ punaḥ śarīraṃ praviśāma tadyasminnaḥ
prapanna idaṃ śarīramutthāsyati tadukthaṃ bhaviṣyatīti | vāk prāviśadaśayadeva cakṣuḥ prāviśadaśayadeva śrotraṃ prāviśadaśayadeva manaḥ prāviśadaśayadeva prāṇaḥ prāviśattatprāṇe prapanna udatiṣṭhadukthamabhavat | tadetadukthāṃ 3 prāṇa eva | prāṇa ukthamityeva vidyāt | taṃ devā abruvan
tvamukthamasi tvamidaṃ sarvamasi tava vayaṃ smastvamasmākamasīti
tadapyetadṛṣiṇoktaṃ tvamasmākaṃ tava smasīti

28.5

tasya vāgādistutiḥ
taṃ devāḥ prāṇayanta sa praṇītaḥ prātāyata prātāyītīṃ 3
tatprātarabhavatsamāgāditīṃ 3 tatsāyamabhavadahareva prāṇo rātrirapānaḥ
vāgagniścakṣurasāvādityaścandramā mano diśaḥ śrotraṃ sa eṣa prahitāṃ
saṃyogo'dhyātmamimā devatā ad u āvirādhidaivatamityetattaduktaṃ
bhavati | etaddhasma vai tadvidvānāha hiraṇyadanbaido na tasyeśe yaṃ
mahyaṃ na dadyuriti prahitāṃ vā ahamadhyātmaṃ saṃyogaṃ niviṣṭaṃ vedaitaddha
tat | anīśānāni ha vā asmai bhūtāni baliṃ haranti ya evaṃ
veda | tatsatyaṃ sat iti prāṇaḥ ti ityannaṃ yaṃ ityasāvādityastadetattivṛttrivṛdiva vai cakṣuḥ śuklaṃ kṛṣṇaṃ kanīniketi | sa yadi ha vā
api mṛṣā vadati satyaṃ haivāsyoditaṃ bhavati ya evametatsatyasya
satyatvaṃ veda

28.6

adyate'tti ca bhūtāni tasmādannaṃ taducyate
tasya vāktantirnāmāni dāmāni tadasyedaṃ vācā tantyā
nāmabhirddāmabhiḥ sarvaṃ sitaṃ sarvaṃ hīdaṃ nāmanīṃ 3 sarvaṃ vācābhivadati
vahanti ha vā enaṃ tantisaṃbaddhā ya evaṃ veda | tasyoṣṇiglomāni
tvaggāyatrī triṣṭummāṃsamanuṣṭupsnāvānyasthi jagatī paṅktirmajjā prāṇo
bṛhatī sa chandobhiścchanno yacchandobhiścchannastasmācchandāṃsītyācakṣate | chādayanti ha vā enaṃ chandāṃsi pāpātkarmaṇo yasyāṃ
kasyāṃciddiśi kāmayate ya evametacchandasāṃ chandastvaṃ veda | taduktamṛṣiṇā | apaśyaṃ gopāmityeṣa vai gopā eṣa hīdaṃ sarvaṃ gopāyati
anipadyamānamiti na hyeṣa kadācana saṃviśati | ā ca parā ca
pathibhiścarantamityā ca hyeṣa parā ca pathibhiścarati | sa sadhrīcīḥ
sa viṣūcīrvasāna iti sadhrīcīśca hyeṣa viṣūcīśca vasta imā eva
diśaḥ | āvarīvarti bhuvaneṣvantarityeṣa hyantarbhuvaneṣvāvarīvarti
aprakṣitaṃ vasu bibharṣi hastayorudhālahaṃ sahastanvi śruto dadhe
āvṛtāso'vatāso na kartṛbhistanūṣu te kratava indra bhūrayaḥ
atho āvṛtāso'vatāso na kartṛbhiriti | sarvaṃ hīdaṃ prāṇenāvṛtam
so'yamākāśaḥ prāṇena bṛhatyā viṣṭabdhastadyathāyamākāśaḥ prāṇena
bṛhatyā viṣṭabdha evaṃ sarvāṇi bhūtānyā pipīlikābhyaḥ prāṇena bṛhatyā
viṣṭabdhānītyevaṃ vidyāt

28.7

mamātmabhūtena hi matto'tiricyate | evaṃ yo veda tamenaṃ evaṃvidaṃ vāktantisambandhā vahanti | rājānaṃ prati balikaraprāṇina iva svārthaṃ prāpayantītyarthaḥ
yathā bāhyanāmarūpābhyāmāvṛtassan prāṇaśchanna evaṃ prāṇasthānīyabṛhatyapi itaraiḥ
chandobhiḥ channā | tasyāḥ prāṇavat vyāpakatvāt saiva bṛhatī | asmin kratau tasyāṃ
śasyamānāyāṃ sarvāṇi chandāṃsi bṛhatyaṅgatvenopāttāni bhavanti | yathā mukhyaprāṇena nāmarūpātmakaṃ jagadvyāptaṃ tathā bṛhatyetyāha—tasyeti | tasya
bṛhatyātmanaḥ prāṇasya puruṣasya lomānīvoṣṇiglomāni uṣṇig saptākṣarā
aṣṭākṣarā gāyatrī tvak tvaco lomnāmantaratvāt | ekādaśākṣarā triṣṭup māṃsaṃ
tasya tvaco'bhyantaratvāt | anuṣṭup dvātriṃśadakṣarā snāvāni tasya māṃsābhyantaratvāt | dvādaśākṣarā jagatī asthi tasya snāvābhyantaratvāt | daśākṣarā
paṅktirmajjā tasyā asthpantaratvāt | sarvābhyantaratvāt bṛhatī prāṇaḥ
tasyāḥ prāṇatvena stutatvāt | sā hi ṣaṭtriṃśadakṣarā hi bṛhatī | ṣaṭchandāṃsyāpnoti | śarīragatadhātūnāṃ chandastvena saṃstāve prāṇasaṃstavasya vivakṣitatvāt
so'yaṃ prāṇo brahmasūtrātmano brahmatvaprasiddheḥ | tasyetaradhā tu bhūtachandobhiḥ
channatvāt | yadyevamayaṃ prāṇaḥ chandobhiḥ channaḥ tasmāt śiṣṭāḥ chandāṃsītyācakṣate | yato dhātvāyamānoṣṇigādichandāṃsi chādayanti gopāyantyataśchādanācchandasāṃ chandastvaṃ yo veda tamenamevaṃvidaṃ chandāṃsi chādayanti
pāpāt karmaṇo rakṣanti | yasyāṃ kasyāṃciddiśi pāpaṃ karma kartuṃ kāmayate varmasthānāni yoddheva chandāṃsyenaṃ rakṣantīti vidyāphalametaduktam | prāṇākhyaṃ vastu
ṛṣiṇā mantreṇāpyuktaṃ prakāśitam | prāṇātmadarśane'vasthito dīrghatapā nāma
ṛṣireva mantraṃ dadarśa | sa kīdṛśaḥ ? ityata āha—apaśyamiti | gopāṃ
gopāyitāraṃ prāṇamapaśyaṃ adarśam | kathaṃ bhūtam ? ityatra vāgādikaraṇagrāmoparamo
hi svāpaḥ | tatra nīcairvāgādibhiḥ anipadyamānaṃ anastamitasvabhāvaṃ “ya
eṣa supteṣu jāgarti” iti śruteḥ | sarvaprāṇyupakārāya svasadanahṛddeśādavārk
bhūtanāḍīsuṣirapathibhiḥ ā ca ācarantaṃ svāṃṇyordhvaṃgaiḥ tiryagbhūtaiśca nāḍīsuṣirapathibhiḥ mārgaiśca parā ca parā carantaṃ anekadhā gacchantam | evaṃbhūto
jñānakarmabhyāṃ puruṣasya sarvasṛṣṭiḥ
athāto vibhūtayo'sya puruṣasya | vācā sṛṣṭau pṛthivī
cāgniścāsyāmoṣadhayo jāyante'gnirenāḥ svadayatīdamāharatedamāharatetyevametau vācaṃ pitaraṃ paricarataḥ pṛthivī cāgniśca | yāvadanu pṛthivī
yāvadanvagnistāvadasya loko bhavati nāsya tāvalloko jīryate
yāvadetayorna jīryate pṛthivyāścāgneśca ya evametāṃ vāco vibhūtiṃ veda
prāṇena sṛṣṭāvantarikṣaṃ ca vāyuścāntarikṣaṃ vā anu carantyantarikṣamanu
śṛṇvanti vāyurasmai puṇyaṃ gandhamāvahtyevametau prāṇaṃ pitaraṃ paricarato'ntarikṣaṃ ca vāyuśca yāvadanvantarikṣaṃ yāvadanu vāyustāvadasya
loko bhavati nāsya tāvalloko jīryate yāvadetayorna jīryente'ntarikṣasya ca vāyośca ya evametāṃ prāṇasya vibhūtiṃ veda
cakṣuṣā sṛṣṭau dyauścādityaśca dyaurhāsmai vṛṣṭimannādyaṃ saṃprayacchatyādityo'sya jyotiḥ prakāśaṃ karotyevametau cakṣuḥ pitaraṃ paricarato
dyauścādityaśca yāvadanu dyauryāvadanvādityastāvadasya loko bhavati
nāsya tāvalloko jīryate yāvadetayorna jīryate divaścādityasya ca ya
evametāṃ cakṣuṣo vibhūtiṃ veda
śrotreṇa sṛṣṭā diśaśca candramāśca digbhyo hainamāyatīṃ 3
digbhyo viśṛṇoti candramā asmai pūrvapakṣāparapakṣān vicinoti puṇyāya
karmaṇa evamete śrotraṃ pitaraṃ paricaranti diśaśca candramāśca yāvadanu
diśo yāvadanu candramāstāvānasya loko bhavati nāsya tāvalloko
jīryate yāvadeteṣāṃ na jīryate diśāṃ ca candramasaśca ya evametāṃ
śrotrasya vibhūtiṃ veda | manasā sṛṣṭā āpaśca varuṇaścāpo hāsmai
śraddhāṃ saṃnamante puṇyāya karmaṇe varuṇo'sya prajāṃ dharmeṇa dādhāraivamete
manaḥ pitaraṃ paricarantyāpaśca varuṇaśca yāvadanvāpo yāvadanu varuṇastāvānasya loko bhavati nāsya tāvalloko jīryate yāvadeteṣāṃ na
jīryate'pāṃ ca varuṇasya ca ya evametāṃ manaso vibhūtiṃ veda

28.8

āpā 3 ityāpa iti tadidamāpa evedaṃ vai mūlamadastūlamayaṃ
pitaite putrā yatra ha ka ca putrasya tatpituryatra vā pitustadvā
putrasyetyetattaduktaṃ bhavati | etaddhasma vai tadvidvānāha mahidāsa aitareya
ahaṃ māṃ devebhyo veda o maddevānvedaitaḥ pradānā hyeta itaḥ saṃbhūtā
iti | sa eṣa giriścakṣuḥ śrotraṃ mano vākprāṇastaṃ brahmagirirityācakṣate | girati ha vai dviṣantaṃ pāpmānaṃ bhrātṛvyaṃ parāsya dviṣan
pāpmā bhrātṛvyo bhavati ya evaṃ veda | sa eṣo'psu sa eṣa prāṇaḥ sa
eṣa bhūtiścābhūtiśca | taṃ bhūtiriti devā upāsāñcakrire te babhūvustasmāddhāpyetarhi supto bhūrbhūrityeva praśvasiti | abhūtirityāsurāraste ha
parābabhūvuḥ | bhavatyātmanā parāsya dviṣan pāpmā bhrātṛvyo bhavati ya
evaṃ veda | sa eṣa mṛtyuścaivāmṛtaṃ ca | taduktamṛṣiṇā | apāṅ
prāṅeti svadhayā gṛhīta ityapānena hyayaṃ yataḥ prāṇo na parāṅbhavati
amartyo martyenā sayonirityetena hīdaṃ sarvaṃ sayona matyani
hīmāni śarīrāṇī 3 amṛtaiṣā devatā | tā śaśvantā viṣūcīnā
viyantā nyanyaṃ cikyurna nicikyuranyamiti nicinvanti
haivemāni śarīrāṇī 3 amṛtaiṣā devatā | amṛto ha vā amuṣmin
loke saṃbhavatyamṛtaḥ sarvebhyo bhūtebhyo dadṛśe ya evaṃ veda ya evaṃ
veda

Linked texts (5)

Aitareyāraṇyaka — Sanskrit
Mahaitareya — Sanskrit
Aitareyāraṇyaka (Aitareya Mahīdāsa) — Aitareya Mahīdāsa, Sanskrit
Dvitīyāraṇyaka — Sanskrit
Bahvṛcāraṇyabhāṣya — Sanskrit

Dashopanishad 28

Contents

Linked texts (5)