Kaṭha Upaniṣad 3.13

Commentary of Śaṅkarācārya of Śaṅkarācārya 3.13

Language: Sanskrit

3.13

tatpratipattyupāyamāha - yacchet niyacchedupasaṃharet prājñaḥ vivekī | kim ? vāk vācam ; vāgatropalakṣaṇārthā sarveṣāmindriyāṇām | kva ? manasī manasi | chāndasaṃ dairghyam | tacca manaḥ yacchet jñāne prakāśasvarūpe buddhāvātmani | buddhirhi manaādikaraṇānyāpnotītyātmā pratyak ca teṣām | jñānaṃ buddhim ātmani mahati prathamaje niyacchet | prathamajavatsvacchasvabhāvakamātmano vijñānamāpādayedityarthaḥ | taṃ ca mahāntamātmānaṃ yacchet śānte sarvaviśeṣapratyastamitarūpe avikriye sarvāntare sarvabuddhipratyayasākṣiṇi mukhye ātmani ||

Previous: 3.12
Next: 3.14
Up: 3

Linked texts (1)

Kaṭhopaniṣad — Sanskrit