Katha Upanishad 6.2

Commentary of Śaṅkarācārya of Śaṅkarācārya 6.2

Language: Sanskrit

6.2

yadvijñānādamṛtā bhavantītyucyate, jagato mūlaṃ tadeva nāsti brahma ; asata evedaṃ niḥsṛtamiti, tanna—yadidaṃ kiṃca yatkiṃcedaṃ jagatsarvaṃ prāṇe parasminbrahmaṇi sati ejati kampate, tata eva niḥsṛtaṃ nirgataṃ sat pracalati niyamena ceṣṭate | yadevaṃ jagadutpattyādikāraṇaṃ brahma tat mahadbhayam , mahacca tat bhayaṃ ca bibhetyasmāditi mahadbhayam, vajramudyatam udyatamiva vajram ; yathā vajrodyatakaraṃ svāminam abhimukhībhūtaṃ dṛṣṭvā bhṛtyā niyamena tacchāsane vartante, tathedṃ candrādityagrahanakṣatratārakādilakṣaṇaṃ jagatseśvaraṃ niyamena kṣaṇamapyaviśrāntaṃ vartata ityuktaṃ bhavati | ye etat viduḥ svātmapravṛttisākṣibhūtamekaṃ brahma amṛtāḥ amaraṇadharmāṇaḥ te bhavanti ||

Previous: 6.1
Next: 6.3
Up: 6

Linked texts (1)

Kaṭhopaniṣad — Sanskrit