Khilakanda 14.21

14.21

nanu-mārgadvayameva nāsti | tatsadbhāve pramāṇābhāvāt | tvaṃ tūtprekṣāmātreṇa manmyāmòhārthaṃ pṛcchasi ityāśaṅkāyāmāha-api hīti | 'api ' atrāpi asya prakāśakaṃ 'ṛṣeḥ ' mantrasya 'vacaḥ' vākyaṃ 'naḥ ' śrutamasti
mantro'pyasyārthasya prakāśako vidyata ityetat | ko'sau mantra ityabhidhīyate-dve sṛtī'aśṛṇavamiti | 'dve
sṛtī ' dvau mārgau 'aśṛṇavaṃ ' śrutavānasmi | tayorekā pitṝṇāṃ prāpikā pitṛlokasaṃbaddhā tayā sṛttyā pitṛlokaṃ
prāpnotītyarthaḥ | ahamaśṛṇavamiti vyavahitena sambandhaḥ | 'devānāmuta ' api devānāṃ sambandhinī anyā | devān
prāpayati sā| ke punaḥ ubhābhyāṃ sṛttibhyāṃ pitṝnddevāṃśca gacchantīti gadyate-uta martyānāmiti | 'uta martyānām'
api manuṣyāṇāṃ sambandhinyau | manuṣyā eva hi sṛttibhyāṃ gacchantīti yāvat | 'tābhyāṃ 'sṛttibhyāṃ 'idaṃ viśvaṃ '
samastaṃ ejadgacchat 'sameti ' samyagāgacchati | te ca dve sṛtī 'yadaṃtarā ' yayorantarā yadantarā 'pitaraṃ mātaraṃ
ca ' mātāpitrorantarā madhye ityetat | kau tau mātāpitarau dyāvāpṛthivyāvaṇḍakapāle iyaṃ vai mātā'sau piteti
hi vyākhyātaṃ dyāvāpṛthivyoḥ pitṛmātṛtvaṃ madhyamakāṇḍe tṛtīyaprapāṭhakāṃtyabrāhmaṇena ( śa. pa. 12|8|1