Khilakanda 14.3-2
Khilakāṇḍa 14.3-2
- Language
- Sanskrit
14.3-2
'vettha' ? 'yatithyāṃ' yatsaṃkhyākāyāṃ āhutyāmāhutau 'hutāyāṃ' 'āpaḥ 'puruṣavācaḥ ' puruṣasya yā vāk
saiva yāsāṃ vāk tāḥ puruṣavācaḥ 'bhūtvā ' puruṣaśabdavācyā vā bhūtvā yadā puruṣākārapariṇatāḥ tadā puruṣavāco
bhavanti | 'samutthāya ' samyagutthāya udvatāḥ satyaḥ 'vadantī 3 iti ' | 'neti haivovāca '| yadyevaṃ 'vettha
u ' ? 'devayānasya pathaḥ ' mārgasya 'pratipadaṃ ' pratipadyate yena sā pratipat tāṃ pratipadaṃ 'pitṛyāṇasya vā '
pratipadam | pratipacchabdavācyamarthamāha-yatkarma 'kṛtvā ' yathā viśiṣṭaṃ karma kṛtveti yāvat | 'devayānaṃ vā
panthānaṃ ' mārgaṃ 'pratipadyate ' | 'pitṛyāṇaṃ vā ' yatkarma kṛtvā pratipadyate | tat karma pratipadamabhidhīyate
tāṃ pratipadaṃ kiṃ vettha ? devalokapitṛlokapratipattisādhanaṃ kiṃ vettheti yāvat