Maitrayaniya Upanishad 6.22

6.22

kāṃsyaṃ tatpātraghoṣaḥ, cakrakaṃ rathacakradhvaniḥ, bhekaviḥkrandhikā maṇḍūkaravaḥ, vṛṣṭirvarṣaṇaśabdaḥ, nivāte guhāyāṃ kūpe vā vadati vadanamuparisthitena śrūyamāṇaṃ so'pyekaḥ prakāraḥ | etairdhvanibhiḥ sadṛśo yo'ntarākāśaśabdastaṃ śabdabrahmāpare vadantītyarthaḥ | itiśabda upametyanena pūrveṇa sambadhyate | tamevamantarhṛdaye śrūyamāṇaṃ pṛthaglakṣaṇamanekopamānairanekadhā vibhāvyamānaṃ śabdamatītya pare'śabde'vyakte vācāmagocare brahmaṇi śuddhe'staṃ gatā adarśanaṃ prāptāste śabdabrahmavādina ityarthaḥ | tatra pare brahmaṇi te'pṛthagdharmiṇo brahmaikasvabhāvā ata evāpṛthagvivekyāḥ pṛthagvivektumaśakyāḥ pūrvavadbheolle khāyogyā ityarthaḥ | tatrāyaṃ dṛṣṭānto yathā nānārasāḥ pṛthaksvabhāvakusumarasā yathā madhutvaṃ madhvātmatvaṃ sampannāḥ santo na pṛthagvivekyāstadvadityarthaḥ | evaṃ hyatrodāharaṇamāha śrutiḥ dve brahmaṇī iti, ślokaḥ spaṣṭārthaḥ || |