Maitrayaniya Upanishad 7.10.2

7.10.2

yadvaitaduktaṃ tatsatyamiti yaduktaṃ tatra veda eva kathamiti jijñāsāyāṃ tasya tattvaṃ vaktumuttaro'nuvākaḥ pravartate etadvāveti | "etadvāva tatsvarūpaṃ 0 parimitaṃ tejaḥ" iti | etadvāvaitadeva tasya vedasya svarūpaṃ yannabhaso brahmākāśasya khe hṛdayasuṣire'ntarbhūtasya madhye siddhasya, yatparamanupūyamānaṃ tejaḥ sarvāvabhāsakaṃ caitanyasvarūpaṃ tattajastredhā prādhānyamāśrityābhihitamuktaṃ pūrvaṃ, agnau āditye prāṇe ca vibhāvyamānamityarthaḥ | tathā ca yadagnyādyātmanā bahiravabhāsakaṃ tejastadeva khe'ntarbhūtasya nabhasaḥ paraṃ tejastadeva ca vedasya svarūpamityuktaṃ bhavati | tadevaivaṃlakṣaṇaṃ tejaḥ prathamamoṅkārātmakamānīdityāha, etadvāveti | yadomityetadakṣaraṃ prasiddhamasti tadetadvāva khe'ntarbhūtasya nabhaso rūpamabhivyaktaṃ rūpāntaramityarthaḥ | kuta etadityata āha, aneneti | etat tejo'nenaivomityevamātmakenākṣareṇa rūpeṇa tadudguhya-