Kathakagrihyasutra 83.2

Kāṭhakagṛhyasūtrabhāṣya 83.2

Language: Sanskrit

83.2

dvādaśāhiṣu bahvīnāmuṣasāmantargatatve dvirūpeṇa stutiḥ| chandasvatī chandasvatyau uṣasau, prātaranuvāke gāyatryādicchandasāṃ sambhavācchandoyuktatvamuṣasoḥ| pepiśāne, pèśa iti rūpanāma, tena peśatiḥ śobhātiśayakriyaḥ, atiśayena śobhamāne| samānaṃ tulyāṃ yoniṃ sthānaṃ rātryantarūpaṃ anusaṃcarete lakṣaṇīkṛtya ceṣṭete| brahma vā yoniḥ| sūryapatnī sūryapatnyau sūryaḥ pālayitā janako yayoḥ, he sūryapatnyau| vicarataḥ prajāvatī parijñānavatyau| ketumatyau prakāśa cihnayukte| ajare avināśinyau| bhūriretasau reto jagatprajananamanavaśayādi, tadanayorbhūri bahu vidyate| dvivacanasya ‘supāṃ suluk’ (7.1.39) ityākārādeśaḥ| evamanyatra kvacilluk, kvacitpūrvasavarṇadīrghādeśo'numantavyaḥ|

Previous: 83.1
Next: 83.3
Up: 83

Linked texts (1)

Kāṭhakagṛhyasūtra — Laugākṣi, Sanskrit