Nighantu 73.4.1

Nighaṇṭunirvacana 73.4.1

Language: Sanskrit

73.4.1

(1) āśuśukṣaṇiḥ| śucerjvalatikarmaṇaḥ kvipi śuk dīptiḥ, kṣaṇirhiṃsārthaḥ, 'in sarvadhātubhyaḥ (u0 4, 115),-itīn, sanotervā in| āśu śucā dīptyā kṣaṇitā hiṃsitā tamasāṃ sanitā sambhaktā vā pāke dāhaprakāśanādeḥ svavyāpārasya| agnirucyate| yadvā, āṅpūrvācchucerantarṇītaṇyarthāt sani āśuśukṣa iti sthite 'āṅi śuveḥ sanaḥ'—iti vihitaḥ anipratyayo bāhulakācchucerapi bhavati| 'āṅi śuceḥ—ityeva vā tatra pāṭhaḥ| āśu śocayiṣā ādīpayinnamicchā, tasyā karttā āśuśukṣaṇiḥ ādīpayiṣurityarthaḥ| "tvamagne dyubhistvamāśuśukṣaṇiḥ (ṛ0 saṃ0 2, 5, 17, 1)" || (2) āśāmyaḥ| vyākhyātaṃ diṅnāmasu (66 pṛ0)| sa eva nigamaḥ (ṛ0 saṃ0 2, 8, 6, 2)||

Previous: 73.3.22
Next: 73.4.2
Up: 73.4

Linked texts (1)

Nighaṇṭu — Yāska, Sanskrit