Yāska's Nirukta 134.3

134.3

"yādṛśmin (61)”-ityanavagatam | "yādṛśe"-ityavagamaḥ || "jyāyāṃsamasya yatuna̍sya ketunā̍ ṛ̱ṣikha̱raṃ carati yāsu̱ nāma̍ te | yā̱dṛśmi̱ndhāāyi̱ tama̍pa̱syayā̍vi̱dada̱ u̍ sva̱yaṃ va̍hate̱ so ara̍ṃ karat || (ṛ0 saṃ0 4, 2, 24, 3)”-iti || avatsārasyeyārṣam | jagatī | āgneyī | 'tamapratnathā'-ityetasmin sūkte | upahavye tṛtīyasavane vaiśvadeve śasyate | 'jyāyāṃsaṃ' mahattaram | 'asya' 'yatunasya' karmaṇi ṣaṣṭhyau vā, yatanaśīlasya bhagavataḥ sūryasya, 'ketunā' karmaṇā prajñayā vā, 'ṛṣisvaram' ṛṣibhiḥ svaryate stūyate ityṛṣisvaraḥ, tamṛṣisvaram, stuvan 'carati' pracarati | "yāsu nāma te" yāsu kriyāsu nāma namanaṃ te tava he bhagavan agne ! sa evaṃ caran tāsu kriyāsu, "yādṛśmin" "yādṛśe" kāme "dhāyi" mano dhatte, "tam" tādṛśaṃ kāmam tayā "apasyayā" kriyayā haviḥstutyādilakṣaṇayā tava prasādāt "avidat" alabhatetyarthaḥ | kiñca, 'ya u svayaṃ vahate' tvāṃ prati ādaravān prāpayati stutīḥ, 'saḥ' eva 'araṃ karat' paryāptamātmano'bhipretamarthaṃ karoti || evamatra śabdasārūpyāt "yādṛśmin”-ityasya "yādṛśe"-ityevaṃ vipariṇāma upapadyate|
6|
15|