Yāska's Nirukta 169.3

169.3

"tvamindra balādadhi" "vi na̍ indra mṛdho̍ jahi"--"iti" caite udāharaṇe-"tvami̍indra ba̱lādadhi̱ saha̍so jā̱ta oja̍saḥ | tvaṃ vṛ̍ṣanvṛṣedasi || ( ṛ0 saṃ0 8, 8, 11, 2 )"--iti || devajāmayaḥ sūktaṃ dadṛśuḥ | tatreyaṃ mahārātrike paryāye praśāstuḥ stotre viniyuktā || he 'indra !' "tvam" "balādadhi" 'jātaḥ' 'sahasā' abhibhavanasamarthāt, 'ojasaḥ' ca tejasaḥ | kiñca, tvaṃ he 'vṛṣan' varṣitaḥ ! 'vṛṣā asi' varṣitā asītyarthaḥ || "vi na̍ indra mṛdho̍ jahi nī̱cā ya̍ccha pṛtanya̱taḥ | yo a̱smām̐ a̍bhi̱dāsa̱tyadha̍raṃ gamayā tama̍ḥ || ( ṛ0 saṃ 8, 8, 10, 4 )"--iti || śāmvaraya bhāradvājasyeyamārtham | vaimṛdhasya haviṣo yājyā || he "indra !" "vijahi" "naḥ" etān "mṛdhaḥ" mṛdhakartṛn śatrūn | kiñca, 'nīcā' nīcaiḥ 'yaccha' tān | 'pṛtanyataḥ' ye'smābhiḥ saha pṛtanyanti, pṛtanāṃ kartumicchantītyarthaḥ | kiñca, yo'smān' 'abhidāsati' abhyupakṣapayitumicchatītyarthaḥ | tam 'adharaṃ' 'tamaḥ' 'gamaya' nāśayetyarthaḥ |
7 |
2 |