Yāska's Nirukta 187.8

187.8

"yatho etat” yat punaretaduktam- "chāndomikam' chandomayeṣveṣu dāśarātrikeṣu yat "sūktaṃ" tat "sauryavaiśvānaram"- ( 7 |
23 | 6 ) iti || tadapi "asyaiva" agneḥ "bhavati" || katham ? iti | tatra hi "etat" viśiṣṭaṃ pārthivāgnervācakaṃ liṅgaṃ "bhavati"-"jamadagnibhirāhutaḥ- iti" jamadagnīyāṃ hyenam āhutibhirjuhvati, nādityam, abhidhānāt asambhavācca | tasmādatrāpi yadvaiśvānaraliṅgaṃ tadapyetasya pārthivasyāgnervyañjakaṃ bhavati || "vṛṣā pāvaka dīdihi"| vṛṣā varṣitā, he vaiśvānara ! pāvaka 'dyumat' dīptiman, yastvaṃ jamadagnibhirāhutaḥ, “abhihutaḥ" sa tvamasmākaṃ karmasu nityaṃ 'dīdihi' dīdhyasva | ityetadāśāsmahe || "jamadagnayaḥ" nityaṃ "prajamitāgnayaḥ" prabhūtāgnayaḥ | "prajvalitāgnayo vā” 7|
24|8
"yatho etat" yadapyuktam-"haviṣpāntīyaṃ sūktaṃ sauryavaiśvānaraṃ bhavati (7 |
23 | 7 ) iti" || "tat” api "asyaiva" "bhavati" || katham ? iti | yatastasya sūktasya yā prathamā ṛk, sā yathā āgneyī bhavati, na saurī, tathā nirāha-idamāgneyaṃ sūktam, na sauryamityupapradarśanārtham ||"ha̱vi̱ṣpānta̍ma̱jara̱ sva̱rvidi̍ di̱vi̱spṛśyāhu̍taṃ ju̱ṣṭama̱gnau | tasya̱ bharma̍ṇe̱ bhuva̍nāya de̱vā dharma̍ṇe̱ kaṃ sva̱dhayā̍paprathanta ||" haviryatpānīyamajaraṃ sūryavidi divispṛśyabhihutaṃ juṣṭamagnau