Yāska's Nirukta 3.4

3.4

``śāsad vahnir duhitur naptyam gād vidvān ṛtasya dīdhitim saparyan/
pitā yatra duhituḥ sekam ṛṇjant sam śagmyena manasā dadhanve/''.[250]
praśāsti vodhā saṃtāna karmane duhitṛ6.putra bhāvam/[250]
duhitā durhitā dūre hitā dogdher vā/[250]
naptāram upāgamad dauhitram pautram iti/[250]
vidvān prajanana yajñasya retaso vā aṅgāt aṅgāt sambhūtasya hṛdayād adhijātasya mātṛ7.praty ṛtasya vidhānam pūjayan/[250-251]
aviśesena mithunāḥ putrā dāyādā iti/[251]
tad etad ṛc ślokābhyām abhyuktam/[251]
aṅgād aṅgāt sam bhavasi hṛdayād adhijāyase/
ātmā vai putra nāmā asi sa jīva śaradaḥ śatam/
iti/[251]
aviśesena..putrānām dāyo bhavati dharmatah/
mithunānām visarga ādi7.manuḥ svāyambhuvo abravīt/[251]
na duhitāp iti eke/
tasmāt pumān dāyādo adāyādā strī iti vijñāyate/[251]
tasmāt striyam jātām parāsyanti na pumāṃsam iti ca/[251]
strīnām dāna vikraya atisargā vidyante na puṃsah/[251]
puṃso apy eke,.śaunahśepe darśanāt/[251]
abhrātṛmatī vāda ity aparam/[251]
amūryā yanti jāmayaḥ sarvā lohita vāsasah/
abhrātara iva yoṣās tiṣṭhanti hata vartmanah/[251]
abhrātṛkā iva yoṣās tiṣṭhanti saṃtāna karmane pinda dānāya hata vartmāna ity abhrātṛkāyā anirvāha aupamikah/[252]
tasya uttarā bhūyase nirvacanāya/[252]