Yāska's Nirukta 5.22

5.22

``ya indrāgnī suteṣu vām stavatteṣv ṛtāvṛdhā/
joṣavākam vadataḥ pajrahoṣiṇā na devā bhasathaś cana/(ṛV.6,59,4)''
ya indra agnī suteṣu vām someṣu stauti tasya aśnītho atha yoyam joṣavākam vadati vijañjapaḥ prārjitahoṣiṇau na devau tasya aśnīthah/
kṛttiḥ kṛntater yaśo vānnam vā/
``mahīva kṛttiḥ śaraṇā ta indra/(ṛV.8,90,6)''
sumahat ta indra śaraṇam antarikṣe kṛttir iva iti/
iyam api itarā kṛttir etasmād eva sūtramayy upamārthe vā/
``kṛttim vasāna ā cara pinākam brbhradā gahi/(Vṣ.16,51)''
ity api nigamo bhavati/
śvaghnī kitavo bhavati svam hanti svam punar āśritam bhavati/
``kṛtam na śvaghnī vi cinoti devane/(ṛV.10,43,5)''
kṛtam iva śvaghnī vicinoti devane/
kitavaḥ kim tavāsti iti śabda anukṛtiḥ kṛtavān vā āśīr nāmakah/
samam iti parigraha arthīyam sarvanāma anudāttam/