Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s53.7

v3.c24.s53.7

शुद्धगर्भगृहे मध्ये सप्तभाग(गं) विभाजितं ।
मध्ये ब्रह्मपदं चैव परितश्चाष्टदिवौकसः ।। ६६ ।।
मानुषांशं तु तद्वाह्ये परितः षोडशांशकम् ।
चतुर्विंशांशकं बाह्ये परितः पैशाचमेव च ।। ७० ।।
मध्ये ब्रह्मपदे सप्तसप्तभाग(गं) विभाजिते ।
ब्रह्मांशे मध्यमे ब्रह्मसूत्रं तत्परिकल्पयेत् ।। ७१ ।।
तद्वामे विष्णुसूत्रं स्यात्तद्बाह्ये परिकल्पयेत् ।
तत्सूत्रात्(त्र)द्वयोर्मध्ये शिवसूत्रं प्रकल्पयेत् ।। ७२ ।।
ब्रह्म[स्व]विष्णुसूत्रं [च] स्यान्मध्ये च शिवसूत्रकम् ।
एवं तु चैकलिङ्गं स्यात्स्थापयेच्छिल्पि(ल्प)वित्तमः ।। ७३ ।।
बहुलिङ्गप्रतिष्ठा चेत्तत्तदेका(क)पदोक्तवत् ।
कुर्यादेव पदे विष्णां(ष्णो) ब(र्व)हूद्वा चैकमेव वा ।। ७४ ।।
गर्भगेहस्थले धारनील(खीय)मध्ये समं भवेत् ।
अज्ञानादधिकं चेन्निम्नं चेत्सर्वदोषदम् ।। ७५ ।।
तस्मात्परिहरेत्सर्वदेवतास्थापनं बुधः ।
बेरस्यैकशिला प्रोक्तं(क्ता) लिङ्गानां तच्चतुःशिला ।। ७६ ।।
नन्द्यावर्त(र्ता)कृतिः(ति) स्थाप्य(पयित्वा) तथा चैकाश्मना भवेत् ।
अधो(ध) पाषाणकूर्मस्यं चोर्ध्वं(र्ध्वा)धारमिति स्मृतम् ।। ७७ ।।
इत ऊर्ध्व शिलादी [तु] पीठके वापि चोद्द्वयम् ।
उक्तवत्कल्पयेच्छिल्पी हीनाधिक्यं न कारयेत् ।। ७८ ।।
स्थापयेल्लिङ्गबेरै(रां)श्च स्थपतिः स्थापकैः सह ।
लिङ्गानां पीठकानां च देवदेव्याश्च हर्म्यके ।। ७६ ।।
शिलासंग्रहणं(हस्य) सम्यग्लक्षणं वक्ष्यतेऽधुना ।
पर्वते वा वने वापि स्थपतिः स्थापकैः सह ।। ८० ।।
प्रभाते तु समुत्थाय कर्ता चानुचरैः सह ।
मार्गके चोक्तवत्सर्वं पार्श्वे तु शकुनानि वै ।। ८१ ।।
सुमुहूर्ते सुलग्ने च शिलासंग्रहणं भवेत् ।
उक्तवच्च रथा(थमा)रोप्य शिल्पशाळां प्रविश्य(श)ति ।। ८२ ।।