Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.56

v2.c84.56

रसभावाश्च कर्तव्या यथापूर्वमुदाहृताः ।
यथायोगं तु युञ्जीत नृत्ताभिहितमत्र च ॥
शुष्कं वर्तनया वस्तु चित्रं तन्मध्यमं स्मृतम् ।
शुष्कार्द्रमधमं प्रोक्तं चार्द्रमेव तथोत्तमम् ॥
यथादेयं यथाकालं यथादेशं यथावयः ।
क्रियमाणं भवेद्धन्यं विपरीतमतोऽन्यथा ॥
इति विचक्षणबुद्धिविकल्पितैः करणकान्तिविलासरसादिभिः
लिखितमीक्षणलोचनमादराद्भवति चित्रमभीप्सितकामदम् ॥