Lingadisangraha / Trikanda 6.1-2.4

6.1-2.4

ākṣāritaḥ kṣarito'bhiśaste, saṃkasuko'sthire
vyasanārtoparaktau dvau, vihasta-vyākulau samau
44 viplavo vihvalaḥ, syāt tu vivaśo 'riṣṭaduṣṭadhīḥ
kaśyaḥ kaśyārhe, sannaddhe tvātatāyī vadhodyate
45 dveṣye tvakṣigato, vadhyaḥ śīrṣacchedya imau samau
viṣyo viṣeṇa yo vadhyo, musalyo musalena yaḥ
46 śiśvidāno 'kṛṣṇakarmā, capalaś cikuraḥ samau
doṣaikadṛk purobhāgī, nikṛtas tvanṛjuḥ śaṭhaḥ
47 karṇejapaḥ sūcakaḥ syāt, piśuno durjanaḥ khalaḥ
nṛśaṃso dhātukaḥ krūraḥ pāpo, dhūrtam tu vañcakaḥ
48 ajñe mūḍha-yathājāta-mūrkha-vaidheya-bāliśāḥ
kadarye kṛpaṇa-kṣudra-kimpacāna-mitampacāḥ
49 niḥsvas tu durvidho dīno daridro durgato'pi saḥ
vanīyako yācanako mārgaṇo yācakā'rthinau
50 ahaṅkāravānahaṃyuḥ, śubhaṃyus tu śubhānvitaḥ
divyopapādukā devā, nṛ-gavā''dyā jarāyujāḥ
51 svedajāḥ kṛmi-daṃśā''dyāḥ, pakṣi-sarpā''dayo'ṇḍajāḥ
udbhidas taru-gulmā''dyā, udbhidudbhijjamudbhidam
52 sundaraṃ ruciraṃ cāru supamaṃ sādhu śobhanam
kāntaṃ manoramaṃ rucyaṃ manojñaṃ mañju mañjulam
‘ramyaṃ manoharaṃ saumyaṃ bhadrakaṃ rāmaṇīyakram |’